مبتكلش معانا المنشورات
ولا الفتن ولا الاشاعات
مبيكلش معانا المكارين والتعالب
ولا بيهمنا كل الضوافر والمخالب
ولاهتفرقنا الفتن
ولا راح تبعدنا المقالب
فوقهم كلهم ربنا قادر وغالب
فوفهم كلهم رافع السماوات
مبتكلش معانا المنشورات
ولا الفتن ولا الاشاعات
مبيكلش معانا الخداع
مبيكلش معانا اللى باع
خلاص عرفنا العلاج
لكل انواع الصداع
مهما بنخسر
ولو حتى كل شىء ضاع
راح نرجع اسود تانى وسباع
وعمرهم ميقولوا تانى
حد ف مصر
مكلش يوم ولا جاع
خلاص عرفنا ان التعلب فات
وفكينا السبع لفات
مبتكلش معانا المنشورات
ولا الفتن ولا الاشاعات
نجرب اى مصرى اصيل
يرجع للبلد كرامتها
ويعلى قيمتها
يوم مانرشحوه
نجرب ايه راح نخسروه
لو غلط نقوموه
لو زاد فى الغلط نخلعوه
وبعدها نحاسبوه
وان راعى ربنا فينا
على راسنا هنشيلوه
بس بالله عليكم
المصرى الفقير بلاش تظلموه
فى الشده سايبينه
وفى البحبحه بتنسوه
ويوم ما حال البلد
يتعدل اياكو تسيبوه
معدناش نسامح
اى حد حد
يخون فى يوم اهله
واللى علموه
واللى يبيع ضميره للشيطان نحرقوه
رجعوا لنا الامل
بلاش من تانى تقتلوهلو ضاع الامل
مصرنا هتتوه
وتضيع الامنيات
مبتكلش معانا المنشورات
ولا الفتن ولا الاشاعات
