هل انته
مصرى بجد
========
لو
انته مصرى بجد
سيب
الحقوق تترد
والتنميه
تتمد
لو تشتكى
من شىء
اصبر
تلاقى الرد
الحاله
عايزه الصبر
مش عايزه
جذب وشد
30
سنه صابر
هم وغم
وكد
30
سنه مطحون ومرتبك ع القد
اصبر
شويه يا شيخ
مش ناقصه
تانى السد
مش ناقصه
اضرابات
ولا
تعطيل مصالح
اصبر
بقه واتهد
الرحمه
جات من ربك
اديلها
فرصه تنزل
عايزها
ليه تنسد
والا
انته تحب الضرب
وعصايه
عشان تتمد
افهم
بقه يا اخى
ولا
انته عايز المد
امكم
مخنوقه
من بعد
طول الشد
لو انته
مصرى صحيح
لازم
تقوم تنتج
اكتر
من اى وقت
واكتر
من اى حد
لجل
الظروف تتيسر
يتصلح
اللى اتكسر
وكل
شىء يتفسر
احسن
تضيع فرصتك
وتقعد
عشان تتحسر
ولا
انته مش متأثر
سيب
الظروف ترخى
احسن
ف يوم تشتد
شمر
دراعك وابنى
عشان
ابنك وعشان ابنى
بتحب
ليه الهد
لو
عايز تنام فيها
بلدك
مسيرها تزول
وتبدأ
فى النزول
ابدأ
بقه فى العد
لو عايز
تعليها
معدش
ينفع هزار
خلاص
بقينا ف جد
معدش
ينفع رمادى
والسرمحه
ع الفاضى
ولا
البكا ع الماضى
ومسيرها
تتعدل
والحاله
تتبدل
ومسيرها
يوم تنحل
بالمحكمه
والقاضى
مستنى
منك رد
هل
انته مصرى بجد
===
_________________
عطيه خضرى عطيه
قلين / كفر الشيخ
