وعاك تسيب الأمل بقلم إكرام مجاور
ياللي الزمان ناكسك
اوعاك تسيب الأمل
والحظ لو عاكسك
شمّر اديك للعمل
دي مصر مش تورته
هيحدّفوها لبعض
والظلم لو يوم قِوي
فالحق نوره اكتمل
*****
خليكو زي البدر
في مولدو صغيّر
وكل يوم عن يوم
شكله بيتغيّر
وان جات سحابه عليه
هتزول وهينوّر
والدنيا دي طبعها
مسكينها يتحيّر
*****
أوعاكو تنسو الأمل
لو ضاع ما بينكو الحل
والشمس لو يوم علت
يكسرسعيرها الضل
دا الوضع جوا البلد
عايز شباب همه
من غيركو يبنيها
يا شعب دبح الذل
*****
بالوحدة والثورة
كل النظام انسجن
والعدل فينا انزرع
والظلم لابس كفن
واوعاك يا شعب تمل
ولّا يصيبك وهن
دا مهما طال الليل
بينا النهار يتسكن
*****
الظلم مهما ساد
أيامه معدوده
تخلص بعمر العباد
دي الدنيا محدوده
أما شموخ مصرنا
هيعيش ما دام الدهر
مادام حياة مصرنا
بولادها مشدوده
