الحب دة هدية من صنع رب الكون
بقدرته بيتوجد فى قلوب المؤمين
واعلى درجاته حب البشر لله
ده اللى مابعده حب سبحانة جل علاه
وبعده تيجى العبادة بصدق وباخلاص
وهو دة التميز بين الدواب والناس
واللى بحب الله وفى رضاه بينعم
بيلاقى فى اخرته بر النجاه ويسلم
وبعد حب الله البر بالوالدين
علشان رضاهم علينا من صحيح الدين
علشان الام دايما بتخاف على ولادها
وربنا كرمها والجنه تحت اقدامها
وياويله اللى فى يوم تغضب عليه امه
هييجى يوم الحساب ويزيد عليه همة
والاب دة بيتعب على رزق اولادة
بيكون صديق مخلص فى مشوره بيزيده
وبرضه حب الوطن اسمى معانى الحب
واضحى فى سبيله بروح ودم وقلب
