لملمى ولادك يا امى تحت باطك
علشان تفضلى دايما
عزيزه بين خواتك
فرقه ولادك يا امه هتهدد حياتك
فين الكبار
فين المشايخ
فين القساوس
يجمعوا تانى ف شتاتك
ايه حصل لك
ولادك بياكلوا فى بعض
والله عمرها ما كانت صفاتك
دانت الحنونه
اللى ضمه مسلم مع مسيحى
والمساجد والكنايس
بتقضى فيها عباداتك
لملمى عيالك يا امى
عشان تعوضى الزمن اللى فاتك
فين المشايخ
فين القساوس
ليه يسمحوا تزيد الوساوس
ليه يسمعوا كل الهلاوس
مابين ولادك وبين بناتك
فين الحجر اللى يقذف الخطيه
فين التراحم اللى كان
فى امنا المصريه
اللى يعمل يا مه ضدك
ماهوش مسلم ولا مسيحى
ولاباقى على حياتك
اصمدى يا امه واعلنى للعالم ثباتك
