حب الشباب
مشكله كبيره بتواجه شباب وبنات كتير جدا انا كنت زى اى شاب واى بنت فى المشكله ده لدرجه انى تعبت نفسيا مش الحكايه ده وكشفت كتير واخدت علاج كتير واخدت حاجات طبيعيه كتير لان اخواتى عطارين اساسا لكن صدقونى مفيش فايده وفى النهايه لقيت حل غير عادى.
الاول تسمحولى اقول بعض الادويه اللى جربتها يمكن تنفع حد منكم هى ادويه جميله ومفيده جدا لكن فى حالتى انا كانت ضعيفه لان حالتى كانت كتير صعبه المهم انا هقول بعض الادويه اللى استعملتها وبعد كده هقول ايه هو العلاج اللى عمل نتائج مبهره معايا.
1- (زنكو مايسين) استعماله 3 مرات يوميا ده عباره عن محلول لكن بيحرق اوى ورائحته مش كويسه وسعره 3.40 ج
2- (يودينا) استعماله قبل النوم ده عباره عن كريم او دهان لكن مفعوله ضعيف اوى وسعره 6.50 ج
3- (اسكينورين) استعماله 3 مرات يوميا ده عباره عن كريم ومفعوله جميل جدا لكن مع الاستمرار لكن غالى شويه 35 ج
دلوقتى هقول لكم على اخر علاج اخذته وهو جميل جدا وفعال!!
1-
( panoxyi 5) استعماله 4 ساعات فى اليوم عباره عن دهان او كريم لكن ممتاز ممتاز ممتاز هو بيقشر الوجه لكن نستعمله 4 ساعات فى اليوم بس وبعد كده نغسله وسعره 6.50 ج
2-( xithrone) او (زيثرون) استعماله قرص واحد كل يوم هو عباره عن مضاد حيوى لكن للحبوب والالتهابات والبثور بس لكن جميل جدا العلبه بتاعته فيا 3 اقراص بس على 3 ايام وبعد كده نجدده بعد عشر ايام عشان مفعوله طويل المدى.
ارجو انى اكون قدمت حاجه مفيده للجميع وعلى فكره فى دكتور جميل جدا اسمه (محمد عيداروس) ده فى ميدان صلاح الدين 9 شارع عثمان ابن عفان مصر الجديده وكشفه 80 ج لكن ممتاز.
يارب اكون قدمت شىء يساعد بعض الشباب والبنات فى المشكله الكبيره ده. كل سنه وانتم طيبين
