اولاد اليومين دول .. حاجة صعبة

فعلا..الولاد اليومين دول حاجة صعبة جدا.. لماذا؟ لانك لو عاملتيه حلو يقول انك واقعه فى هواه..وان معبرتيهوش يقول عليكى مغرورة و منخيرك فى السما..لو لبيستى حلو و اتشيكتى يقول بتعمل كده عشان تلفت نظرى ليها و لو انتى عملية شوية يقول عليكى فلاحة.. لو اتنافشتى معاه هيقول عليكى عنيدة و لو سكتى هيقول عليكى مخك فاضى .. لو انتى اذكى منه هيديكى الوش الخشب و ياسلام لو هو اذكى منك هتتفرجى لو مش بتحبية هيحاول يتملكك .. و لو انتى بتحبيه و كنتى عبيطة و بينتى حبك هيحاول يسيبك، صح و لا لا؟ لو قلتيلة على مشاكلك هيقول عليكى مزعجة و او مقولتيش هيقول انك مش بتثقى فيه .. لو حاولتى تنصحية هيقول عليكى بتتحكمى فيه و لو هو اداكى امر(( قصدى نصيحة!!!)) ده لانه بيخاف عليكى .. لو حصل ووعدتيه بحاجة و معملتيهاش هتبقى م موضع ثقة اما هو لو خلف وعده فا غصب عنه ، اضطر!! لو انتى حليتى فى الامتحانات يقولك ده حظ اما هو لو حل يقولك ذكاء .. لو جرحتيه تبقى قاسية و معندكيش قلب اما لو جرحك فايقول انتى حساسه اوى و مكبرة الموضوع وهوما ميستاهلش!! لو الولاد قرات الموضوع مش هيعجبه بس يله ربنا يستر:-/

انا عايز اعرف حاجة انتو البنات كلكم مش عارف واخدين فكره وحشة ليه عن الحب بتاع الشباب بتوع الزمن ده ليه ..
طب هو صوابع ايديكى كلها زى بعضها .. طبعا لأ .. فا اكيد ان مش كل الشباب زى بعضها .. فا حاولوا يا بنات
ماتخدوش الفكره دى عن الشباب كلها والله الحب الصادق عمرة ما يكون فيه اى حاجة من الحاجات دى خالص

وجهة نظر ..

شكرا على مرورك الكريم

اقتباس:

---

انا عايز اعرف حاجة انتو البنات كلكم مش عارف واخدين فكره وحشة ليه عن الحب بتاع الشباب بتوع الزمن ده ليه ..
طب هو صوابع ايديكى كلها زى بعضها .. طبعا لأ .. فا اكيد ان مش كل الشباب زى بعضها .. فا حاولوا يا بنات
ماتخدوش الفكره دى عن الشباب كلها والله الحب الصادق عمرة ما يكون فيه اى حاجة من الحاجات دى خالص

وجهة نظر ..

---

والله احنا مظلومين
وزى ما تريكه قال مش كل
الشباب زى بعضها

شكرا على مرورك الكريم خاطر

ده حال كل الناس مش الولاد أو البنات بس ( مفيش حاجة بترضى البنى أدم عموما أبدا ) و كمان حالة الناس عموما ألأن مفيش حد بيثق فى التانى ( مقصدش ولاد و بنات )