وكالعادة وزى كل جمعة صلى احمد الجمعة بالجامع الكبير وسلم على اصحابة وجيرانة
طلع احمد بسرعة عالبيت وجهز شنطتة
ماما انا نازل
ردت ماما طيب متاخرش اخوك جاى يتغدى معانا وبيسال عليك
ومش لازم النهاردة لعب الكورة
لا يا ماما هاروح بس مش اخر ماتش واحد وراجع العيال مستنينى
باى يا حبيبتى
نزل احمد واتلم هو والرجالة وطلعو على الملعب وبسرعة الماتش بدأ وطبعا احمد هو الجون ميقدروش يستغنوا عنة دة احسن جون فى المنطقة
واقف احمد زى الصقر وفجأة وهوب شوطة جامدة وهوب تيجى فى وش احمد يقع فى الارض يجرى اصحابة
اية يا احمد؟
عنيا وجعانى مزغلل
طيب اغسل وشك
غسل احمد وشة وبقى كويس بس مزغلل شوية
خرج احمد وروح البيت
لقى اخوة وصل
حمد لله على السلامة يا كابتن
الله يخليك يا درش
اية مالك؟
ابدا بس الكورة جات فى وشة وعنية مزغللة
لا بسيطة ان شاء الله
شوف فى الثلاجة قطرة بروزلين كويسة حط منها
حاضر
دخل احمد وفتح لثلاجة وفعلا لقى القطرة
بص احمد هى اسمها بروزلين فعلا بس مش عليها اى بيانات ولا حتى تاريخ الانتاج ولا الصلاحية
يا ماما القطرة دى بايظة ولا سليمة؟
سليمة يا احمد دى لسة جديدة متخافش بس هى الورقة اتقطعت
احمد قلوق جدا وبيخاف
متررد قوى وباين علية
ومصطفى حاسس بية اخوة وعارفة طبعا
يا احمد القطرة سليمة ان شاء الله
كان المغرب اذن والدنيا ضلمت
نادت امه يا احمد اقفل الشباك علشان الناموس
حاضر يا ماما
قفل احمد الشباك ونور نور القوضة
اتشجع احمد وقال فى نفسة دى مية هاتعمل اية يعنى وبعدين كلهم بيقولوا سليمة
وماما طبعا مش هتضرنى
دخل احمد غسل وشة وغسل عنية كويس
وقف احمد فى القوضة
فتح عينة اليمين وحط القطرة
وبعدين الشمال
وغمض قوى علشان القطرة تدخل فى عنية كويس
وبعدين فتح احمد عنية
وكانت الصدمة
احمد زعل قوى
ومش شايف
الدنيا ضلمت قوى
رفع ادية الاثنين وابتدى يدعك فى عنية
زغلل اكتر
ابتدى يتوتر واعصابة تبوظ
بس مش مصدق نفسة
اية نظرى راح...
انا اتعميت...
يدعك فى عنية وبص للشباك طيب اللمبة
مفيش حاجة
سرخ احمد
سرخ بعلو صوتة الحوقنى
الحقنى يا مصطفى
انا تعميت
ماما
الحقونى انا اتعميت
وجرى احمد فى القوضة
اتخبط فى الكورسى وقع على الارض
قام
عمال يسرخ ويلطم انا اتعمين نظرى راح
جم كلهم جرى اهدى يا احمد ومصطفى يمسكه اهدى يا احمد متخافش
مفيش حاجة
واحمد مش سامع اى حد ولا اى حاجة
وماماتة تعيط متخافش يا احمد اهدى يا حبيبى مفيش حاجة يا احمد
ومصطفى يحاول يمسك فية
بس احمد هاج خلاص وعمال يتخبط فى السرير والدولاب
عاوز يشوف اى حاجة اى شعاع نور
الدنيا سودة
ناس بتتكلم ماما مصطفى بس هو مش شايف
وفجاة مصطفى يرفع ايدة
وضربة بالالم على وشة
وسرخ فية جامد اهدى يا حمار
الكهربا قطعت
فى اية مالك
