فـانتازيا مضحكة (هــــو & هــــي)

(1)
هي: أنا عايزه أفكرك أنو فيه خيط رفيع أوي بين الحب والصداقة
هو: متخافيش حنفضل نستعبط لحد منعديه
******************************************

(2)
هى : إنت ليه مطلعتش شبه توم كروز؟!؟!
هو: خلقة ربنا !!!
هي: أو حتى براد بت ؟!؟!
هو: .........................
هى : أيه أنت سكت ليه ؟!؟!
هو: يعني انا لو كنت بشبه أي واحد فيهم كنت حا بوصلك ؟!؟!
هي: أيه !!!!
هو: أصدي أن أكيد ما فيش واحد فيهم كان حيحبك !!!!
*****************************************

(3)
هو : تفتكرى أيه أخرة حبنا ؟!؟!
هى : نتجوز
هو: وبعدين ؟!؟!
هى : نخلف
هو : وبعدين ؟!؟!
هي: نربيهم
هو: وبعدين ؟!؟!
هي: نصرف عليهم
هو: وبعدين ؟!؟!
هي: نعيش معاهم
هو: بعدين ؟!؟!
هي: مالك أنت عايز إيه بعد كل ده ؟!؟!
******************************************

(4)
هو: يتابعها بعينيه كل يوم فى عربة الترام ، مكتفياً دائماً بالنظرات يمنعه خجله
حقيبتها من أن يبدأ معها أى حوار منتظراً أن تتعثر وهى تصعد إلى الترام أو يسرق أحدا... حتى يستغل الموقف و يتعرف بها ... يمر يوم بعد يوم وهو ينتظر !!!!********************************************

(5)
هى : هو إحنا مجانين
هو: لأ
هى : طب الناس هما اللى مجانين و إحنا اللى عاقلين
هو : برضوه لأ
هى : أمال إيه ؟!؟!
هو : إحنا ناس طبيعين جداً بس كل مشكلتنا إننا مش عارفين نتكيف مع الحياة !!!!
*****************************************

(6)
هو : هو إحنا ليه بنحب بعض؟!؟!
هى : يعنى تقدر تقول إحتياج للحب وحبنا لبعض هو اللى بيشبع الأحتياج ده
هو : يعنى لو ماكانش عندنا إحتياج ما كناش حنحب بعض ؟!؟!؟!
*****************************************

(7)
هى : مش إنت واحد من كبار المطالبين بالمساواة بين الراجل و المرأة ؟!؟!
هو: أيوه مزبوط
هى : طب ممكن تتحزم و ترقص ؟!؟!
هو : أيه !!!! إنتى بتقولى أيه يا مقنونه ؟!؟!
هى : أيوة يا أخويه زى مانتم بتحبوا تتفرجوا على رقص الستات، أنا كمان بحب أتفرج على رقص الرجالة !!!!!
هو : هيا وصلت لكده ، عيب والله
*******************************************ِ

(8)
هي: حاجة غريبة إحنا نعرف بعض بقالنا سنين ومع ذلك بنشوف بعض مابنتكلمش ولا كلمة بال بالرغم من إننا فى الشات بنتكلم ساعات وبنقول كل اللى جوانا !!!!!
هو: الصراحة ما أعرفش السبب بس أوعدك لما اعرفه حابأى أكتبهولك
********************************************

(9)
هى : طالما بتحبها ماتقولهاش ليه ؟!؟!
هو : علشان الحب أخرته الجواز ، و الجواز محتاج فلوس ،و أنا معيش حاجة
هى : ليه بس النظرة السوداوية ده ؟!؟!
هو : ما و أنا لما ببقى خيالى الناس يقولولى إنزل عل الأرض ، لما أنزل عالأرض الناس يقولولى بلاش سوداوية ، ملعون أبوكي دنيا !!!
********************************************

(10)
هى: إنت ليه دايماً بتكتب عنى شِعر على الورق ، يه ماتقولهوليش باللسان أحسن ؟!؟!
هو: علشان أنتي بتبقي أجمل على الورق !!!
********************************************

ههههههههههه جميل جدا

شكرا علي المرور