لما بتقعدى وسط ولاد
وانا علشانك سبت بلاد
قالو بلاش قلت انا سداد
لازم اسد عنيهم عنك
لازم قلبى يقرب منك
جوه وريدى سابح دمك
وانى بسافر شايل همك
ايوه بغير
لو عندكم الغيره حرام
والاخلاق دى كلام ف كلام
انا مش عندى
لو عندكم الكل حبايب
من اصحاب وجيران وقرايب
انا مش عندى
عارف انك ست الناس
وانك زوق وجمال واحساس
وانك للاخلاق نبراس
بس بفكر عقلك بيا
وبااحزانى وطول لياليا
لما حبيبك يبعد عنك
والاغراب قاعدين جار منك
لازم اغير
اصلى صعيدى
ولا نسيتى
ولا غرامك ودع بيتى
اصلى بحبك طالب ودك
نفسى يا س اعرف ايه ردك
ولا انا يعنى خلاص مش قدك
فاكره يا س لما قابلتك
وبكلمات اشعارى شغلتك
نفسى يا س اعرف ايه حالتك
لما عرفتى ان انتى ال س
مالكه القلب وساحره العين
عارف انى خيال ف خيال
وانى انا عمرى ما جيت ع البال
بس بحاول
يمكن الاقى لقلبى مجال
اصلى انا واد عايش رحال
عاشق الغربه وصبرى جبال
نفسى الاقى بلد تقبلنى
حاسس انى خلاص عديت
وانى لقيت احضانك بيت
من غير حضن اال س يقبلنى
من احزانى وهمى يشلنى
ليه دايماً ع طول هجرانى
لما بشوفك والمح طيفك
بلقى اليوم بيعدى ثوانى
خايف اكون زعلتك منى
تهجرى حبى وتبعدى عنى
عارفه يا س
كنت هقلك ع اللى ف قلبى
ان غرامك ساكن دربى
بس الخوف كان مالى عنيا
قلت استنى عليكى شويه
يمكن شوقك يجى نواحيا
بس عنيا اكيد فضحانى
قالت انى بعد ثوانى
نفسى يكون ف القلب مكان
ترضى يا س
بس هغير
