http://www.sarayacdn.com/P294yrfu/mo...9772257cbd.jpg
لم تكن لديها ادنى فكرة عن تلك الرسالة التى وصلتها على الموبايل مضمون الرسالة
بأعتذر عن أى ازعاج سببته ليكى وأنا عارفة أنك مالكيش ذنب فى اللى حصل لكن أرجو قبول أعتذارى
وأنا متأكدة أنك أنسانة طيبة ومحترمة
نظرت سماء للموبايل وقالت ياترى مين هايرسل لى هالرسالة دى وفى الوقت المتأخر دة ونظرت بالساعة وجدتها الساعة الرابعة فجرا
ضغطنت سماء على رقم الرسالة وحاولت الاتصال
الو الو مين معايا
تسمع سماء صوت امرأة باكية منهارة ترد عليها بخوف ورعب
الو يا مدام سماء حضرتك متعرفنيش بس ارجوكى حاولى تسمعينى
بسرعة البرق تذكرت سماء هذا الصوت هذا الصوت الذى حدثها وطلب منها أن ألا تخرب بيتها وتبتعد عن زوجها
وأحتارت سماء فى تلك المكالمة أنها على علاقة محترمة بكل أصدقئها ولم تتعدى تلك الصداقات حدودها
فزوجة من ستتصل بى لأترك زوجها لها وأبتعد عنه أن كل زوجاتهم على علاقة طيبة بى
وأتصل بهم جميعا فى المناسابات للتهنئة والاطمئنان عليهم
فتنبهت سماء للصوت الباكى وقالت لها مين حضرتك وياترى مين جوزك اللى عايزانى ابعد عنه
ردت المرأة الباكية وقالت جوزك يامدام سماء
ايوة جوزك جوزى ومتجوزين عن حب قبل وبعد الجواز ولسه لحد دلوقتى بحبه
طبعا مش مصدقانى فاكرة اول مكالمة ليكى منى وانت قلتى له فى واحدة بضايقنى وبتتصل بيه
وبتقولى ابعدى عن جوزى احسن لك وكنتى بتهزرى معاه وبتقولى له فى راجل غيرك ومتجوز ومراته بتغير منى
وساعتها وشه اتغير وانتى افتكرتى انه بيشك فيكى وبيغير عليكى وهو ساعتها اتنرفز وقالك وانتى بتحطى نفسك فى المواقف دى ليه
ميت مرة اقولك مترديش على ارقام غريبة واى رقم يضايقك حطيه فى القايمة السودة بالموبايل
وقعدت اتصل بيكى من كام رقم وانتى تحطى ارقامى وتحجبيها زى ماتكونى رافضة اى كلام يضايقك او يحرجك
انا متجوزة رامى من سبع سنين وعندى منه ملك بنت جميلة وطيبة وكنت مع رامى ومعاكى فى كل حياتك وكل مشاكلك
وفى كل مكالمتكم طبعا حضرتك مذهولة وحاسة انك بفيلم عربى قديم
لكن اقسم لك بالله دى الحقيقة وانا هاثبت لك
اول مكالمة منى ليكى ضربنى وكسر دراعى وورم وشى وانتى وقتها كنتى بتتصلى بيه لمدة نص ساعة يكنسل عليكى
وبعدين قفل موبايله ولما فتحه اعتذر لك لانه كان عند مامته وهى عندها مشكلة مع اخته وانهم اتخنقوا بسبب خروج اخته الدايم وسيبان ابنه لمامته
ومامته رافضه خروجها وتأخيرها وما كنش بيرد وبيقفل عليكى لان صوت خناققهم عالى وخاف تقلقى ولما فتح الموبايل وسمعتى صوت بنتى بتبكى عليه لانه ضربنى
قصادها وصوت نهنهتى قالك انه اتخانق مع اخته وهانها وزعق فيها عشان كدة ابنها بيبكى ودة كان صوت بنتى وماكنتش اقدر افتح بقى ليموتنى
سماء وانا ايه اللى يثبت لى انك مش كدابه
اقولك يامدام سماء فاكرة ايام الخطوبة كنتى بتسمعى صوت طفل بيبكى على طول ودايما بينادى بابا بابا
وفجأة الصوت يختفى وانتى بتسالى مين دة يقولك دة امير ابن اختى وأحمد جوزها هنا والولد بيجرى جنبنا
دة صوت ملك ولما لقيتى الطفل بيردد بابا رامى
اقسم لك ان امير بيقوله يابابا وانتى قلتى لا دة ابنك مش ابن اختك
قلت لها ايوة وساعتها كلمنى احمد زوج اخته وقالى دة امير ابنى بس لانى بسافر كتير وبسيبه هو ورانيا مع خاله
وسته مامة رامى اتعود يقول لرامى بابا
وبرضه الكلام دة مدخلش دماغى أتصلت بمامة رامى وكلمتها وسألتها هو رامى كان متجوز قبل مايخطبنى
او معاه طفل من زوجة قبلى أقسمت بكتاب الله انه مش متزوج وان الطفل ابن اخته
اكيد يامدام سما حضرتك مخدتيش بالك هى اقسمت على ان امير ابن اخته وقسمها بمحله لان فعلا امير مش ابنه
ثم ان معظم مكالمات رامى مع حضرتك قدامى وماكنش حد يقدر يفتح بقه وهو بيتكلم معاكى
ولما يصدر صوتى من غير قصد انتى كنتى بتفتكرينى اخته وتفتكرى بنتى ابنها
أنا بخاف منه لو عملت حاجة غلط ضرب وشتيمة واهانة
انتى اكيد بتتكلمى عن شخص غير رامى
رامى انسان متحضر وراقى فى تفكيره عمره مازعلنى ولا اهانى وعمره مانام وهو مخاصمنى
حتى لو انا اللى غلطانة بيحاول نتكلم ويعرض نقط الخلاف ونتناقش لحد مانتفق والغلطان يعتذر
ايوة يامدام سما سمعت كلامكم كتير وكنت بحسدك على معاملته معاكى وكنت بقول ياريت تشوفى معاملته معايا شكلها ايه وانتى
تلعنى اليوم اللى قابلتيه فيه
طيب وسكتى سنة كاملة ليه؟
ليه ماتكلمتيش قبل كدة ؟
وايه اللى خلاكى تتكلمى اليومين دول؟
بصراحة يامدام سما زهقت وحسيت انك لازم تعرفيه على حققته
وياترى ايه حقيقته وياترى الحقيقة اللى هاتقوليها حقيقة ولا كذب
اقولك يامدام خليكى معايا انا من يومين بعد ماضربنى بسبب مكالمتى ليكى كلمت اخته وقلت لها وحلفتها بأبنها تقابلك وتقولك انه متجوز ومخلف
وهى قابلتك وكلمتك صح
لا طبعا مش صح هى فعلا قابلتنى لكن عشان تأكد لى انى مديش ودنى للتليفونات لانها بتزعل رامى واحاول احد من صداقاتى شوية
وياريت تبقى فى حدود العمل بس ولاش الصداقات العائلية
مش ممكن يامدام سما يعنى هى ماكلمتكيش عنى طيب خليكى معايا هاطلبها وادخلك على المكالمة عشان تتأكدى بنفسك
يرن جرس الهاتف واسمع صوت رانيا نائم وكسلان ايه يامنى انتى لسه منمتيش حرام عليكى الساعة خامسة الفجر
لا يارانيا منمتش هايجلى نوم ازاى واخوكى ضاربنى وسايب البيت والبنت عيانة وبتبكى رانيا هو انتى قابلتى سما بجد
ولا بتضحكى عليه لا يابنتى قابلتها طيب قلتى لها ان رامى متجوزنى طبعا يابنتى وحياة ابنى
حتى طلبت واتصلت با أحمد بن خالى وقالت له قول لرامى مش عايزة اشوف وشه الكداب الخاين
يعنى عرفت كل حاجة ايوة طبعا قوليلى يارانيا
نعم ياستى هو انتى شفتى سما اه طبعا
هى حلوة يارانيا
لا يابنتى لا حلوة ولا حاجة بس انتى عارفة الناس اللى اغنياء دول فلوسهم بتحليهم الكوافير والمكياج واللبس الغالى
وانتى فكرك رامى متجوزها ليه ماهو عشان فلوسها وعلى فكرة انا عيطلها
وقلت لها ابنى بالمستشفى وتخنأة مع احمد ومسافر ومبعتش فلوس واخدت منها اللى القسمة دى ناس مش عارفة تودى فلوسها فين
عامة سيبينى انام وبكرة اكلمك واياكى تقولى لرامى انى روحت لها
طيب يارانيا انا مش هاقول مايمكن هى تقوله
لا ياعبيطة هى فاكرة ان دة خير وانا اخت جوزها لايمكن تجرح مشاعره وتبين له انها بتدى اخته فلوس
وأمك يارانيا ازاى تخبى على سما ان اخوكى متجوز
ايه يامنى انتى عايزاها تخسر رامى الحبيب اللى على الحجر انتى عبيطة
من امتى امى بتقدر تزعل رامى وبعدين هى شايفة سما حنينة وسخيه عليها مش زيك قرفانة فى حياتنا
ونكدية يالا سيبينى عاوزة انام
مع السلامة يامنى
مع السلامة يارانيا
سمعتى يامدام سما
مدام سما
مدام سما
ارجوكى ردى انتى مبترديش ليه؟؟؟؟؟؟؟؟؟؟؟؟؟؟
والى اللقاء فى الجزء الثانى
انا وهو ومراته
جيهان النمرسى
