على الذكرى وش الذكرى سوا صورة وطيف ن زار
وصدر ن ممتلي همه وجرح ن يلعب ابياته
وبيت ن لو كتبته هم ودمع لو ذرفته غار
على خدي كما جيش ن تفنن وسط غاراته
وطيفه مارحم حالي اشوفه في زوايا الدار
اشوفه مبتسم ثغره الا يازين بسماته
لقيته من بعد مده ويسألني عن الاخبار
اقول الحال من دونك (سكتْْْْْْْْْ) وهل عبراته
اسولفله عن اللي صار يسولفلي عن اللي صار
تذكرت الزمان اللي جمعنا في ملفاته
الا ياوقت وش ذنب الهواوي والزمن غدار
والا ياحب وشذنبك زمانك شل راياته
عيوني مابقى فيها ولا دمعة تطفي النار
وقلبي زايد ن همه وزاد الصوت باهاته
وانا اسمع وهو يحكي وقفا وانتهى المشوار
وهو يمشي وانا اسمع بكاه وزاد شهقاته
وش الذكرى هي الذكرى سوا صورة وطيف ن زار
وصدر ن يلعب الطاروق وجرح ن يلعب ابياته
