اقوي قصيده حب كتبها ليوناردو ديكابيرو
عارفه يعنى ايه بحبك ؟
يعنى مستحيله الدنيا فى بعدك
يعنى معرفش استغنى عنك
يعنى دايب جوه قلبك
يعنى عايز ابقي جنبك
يعنى عاشق نور ملامحك
يعنى عايش على ابتسامتك
يعنى من قبل ما تغلطى بسامحك
يعنى من قبل ما تسألى بصارحك
يعنى كدهو يعنى م الاخر بحبك
بحبك كلك كده على بعضك
ايوه انا سايب روحى عندك
ايوه انا ناسي عمرى قبلك
احلى لحظه فى عمرى كله لما قولتيلى بحبك
احلى كلمه فى الكون بحاله طالعه ليا والاهم طالعه منك
فاهمه يعنى ايه منك ؟
يعنى واخده حاجه منك
يعنى طالعه وشايله طيبتك
وانا كمان هقولها ليكي بحبك
انتى الوحيده من بين كل القلوب
انتى بس قلبى دايب فيكي دوب
غمضي عنيكى كده
يا نهار ابيض فى جمال بالشكل ده ؟
حركى شفايفك كده
خلاص خلاص معلش عنيا مش متعوده
نور ابتسامتك خلانى معرفتش ملامحك
طب اتكلمى كده
مزيكا دى ولا سحر ولا ندا
هو انتى كده بتندهينى ؟
ده انا افتكرتك بتسحرينى
بتملكينى بتأسرينى
مش بس كنتى بتندهينى
طب اقولك المسينى
مدى ايدك عرفينى
لو كنت بحلم فوقينى
ولو كنت صاحى دوبينى
بيكي دايما حسسينى
ده انتى قلبى وروحى وعمرى وعينى
سمعتينى ؟
بحبك
يا احلى حاجه عدت على سنينى
اللحظه فى بعدك عنى بتوحشينى
الدنيا فى بعدك سوده فى عينى
الدنيا فى قربك جنه حلوه
احلى جنه
ياريت يا قلبى تدخلينى
عايز مره اشوف بعينى
قلبى بيقولى انك احلى بكتير م الخيال
عايز اتأكد من كل اللى بيتقال
هو الكلام ده بجد؟
يعنى انتى جمالك بجد فاق الحد
شوفتى اهو قلبى قبلك رد
بيقولى : انت ناسي انك قبلها كنت
تايه ضايع ومعاها توبت
لما فيها بجد دوبت
شوفتى قلبى قالى ايه ؟
قال كل اللى نفسي اقولك عليه
يعنى هو قلبى ده مفيش فايده فيه ؟
انتى بس عملتى ايه فيه ؟
انتى بجد غيرتيه
ومش بس كده ده انتى كمان خلتيه .
ينسي نفسه ينسى هو بيعمل ايه
عارفه ليه ؟
عشان انتى كمان بتحبيه
وروحك بردو دايبه فيه
وبردو زيه ملهوفه كتير عليه
ها يا عمرى ؟
عرفتى بقي بحبك يعنى ايه ؟
ولا كلامى مش كفايه ؟
تحبى اعيد وازيد فيه ؟
عرفتى تبقي عندى ايه ؟
ميهمكيش عرفتى او معرفتيش
كده كده هفضل اعيد فيه
الدنيا بعدك متهمنيش
اى قلب ميهزنيش
ده انا حبك فيه وليه وبيه بعيش
بحبك
