لقاء مع الشيخ أبو التساهيل ..
لقاء مع الشيخ أبو التساهيل ..
مرحبا بكم .. في قناة((علي جهنم عدل))
سميرة شاهين مقدمة البرنامج ..
ترحب بكم جميعا ..
وتتمنى لكم لقاء
ممتحا (ممتعا) مح ( مع ) فديلة ( فضيلة ) الشيخ : أبو التساهيل
تقترب الكاميرا من وجه المذيعة .. التي كانت ملتزمة بالزي الإسلامي لأن
اللقاء إسلامي .والشيخ له هيبته ..
فلم تكشف إلا وجهها .. وشعرها .. وجزء من............... ......... ووضعت القليل من
المكياج على الشفتين .. والكحل على العينين .. وخلفها صورة للكعبة !!
المذيعة : فديلة الشيخ أبو التساهيل .. نحب أولا نتعرف على فديلتك .. !
الشيخ سهل : الحقيقة .. أنا باخاف جدا من الرياء .. بس علشان خاطر
المشاهدين
يعرفوا أنا مين .. ويثقوا في الفتاوي بتاعتي .. هاعرف نفسي .. اسمي
الحقيقي عوض العيوطي .. واسم الشهرة .. أبو التساهيل .. الحقيقة بدأت
طلب العلم عند خالتي عطيّـات .. وترعرت .. حتى دخلت الكتّاب .. ودرست
على يد الشيخ سهل بن يسير وبعد أن أتممت حفظ سورة الفيل .. قررت تأليف
كتابي الذي حطم الأسواق تحطيما ..
المذيعة : ما شاء الله .. ويا ترى ما هو عنوان هزا ( هذا ) الكتاب ؟
الشيخ سهل : البتاع الكبير لأحكام الفقه اليسير .. وكان الكتاب عبارة عن
خلاصة لجميع الأحكام الغير متشددة .. والتي جمعت الآراء الفقهية
المعتبرة من كبار العلماء في العصور الماضية .. كابن سينا .. والفارابي
والأخطل .. وحاتم الطائي ..
المذيعة : ما شاء الله .. الحأيأة(الحقيقة ) .. يا فديلة الشيخ .. دي
حاقة(حاجة) عزيمة (عظيمة ) جدا .. وربنا يخليك لمصر .. ويا ترى ايه
نشاتاتك ( نشاطاتك ) دلوقتي ؟
الشيخ سهل : أنا باقدم برنامج اسمه : فتاوي القهاوي على القناة التاسعة
و الفضائية .. وفيه أجيب على أسئلة الحاضرين .. والحقيقة ...
هذا أمر طيب جدا خاصة الناس تحتاج من يفتي لها في أمور دينها ..
المذيعة : ربنا يكرمك يا مولانا .. الحأيأة أنا مش عارفة أئول إيه
لمشاهدينا
الأعزاء .. المهم المكالمات تنهال علينا الآن ..
المكالمة الأولى : رجل أعمال معروف
=============== ============
الرجل : صباح الخير يا عم الشيخ
الشيخ : صباح الفل والخيرات يا أستاذ ...
الرجل : أنا عندي رأس مال كبير جدا .. وكنت بافكر أفتح مشروع لصناعة الخمور ..
فهل هذا يجوز ؟
الشيخ : والله يا أخي .. لو عايز تفتح المشروع هذا .. لبيع الخمور السياح منباب تشجيع السياحة ..
فهذا من خير الأمور لأنه طاعة لولاة الأمور ..
وكمان هتدخل العملة الصعبة البلد .. فربنا يكرمك .. أنت تعمل في سبيل الله !
الرجل : ربنا يكرمك يا شيخ .. هما دول الشيوخ اللي بيفهموا بحأ وحأيإي ..
مش الشيوخ المتزمتين المتعصبين اللي في الجوامع دول .. روح يا شيخ الله لا
يوأف في طريأك ولاد الحلال ..
المكالمة الثانية : فتاة في الجامعة ..
=============== =============== =
يا شيخ .. أنا سمعت شريط كاسيت لواحد بيزعق علطول .. وبيقول فيه ان
البنات اللي لابسين بنطلونات جينز دول مش محجبات ! مع اني لابسة طرحة ماركة
كريستيان ديور من اللي مبتكشفش الا مقدمة الشعر بس ..
الشيخ : يا جماعة هؤلاء ناس ادعياء .. ليس لهم في العلم .. دول أصلا بيقولوا
المرأة تلبس نقاب .. وتغطي وشها ! .. انا تعبت معاهم .. يا بنتي سيبك منهم ..
استمري على ما أنت فيه .. بس يا ريت الله يكرمك بلاش الجينز المحزق قوي ..
البنت باستغراب وبلهجة عصبية : ليه بقه .. هو حرام ؟
الشيخ : لا .. حرام ايه ! بس .. هو مكروه ..
البنت : ميرسي أوي يا فضيلة الشيخ على الفتوى الحلوة دي .. باي ..
المكالمة الثالثة : شخص كبير في السن .. أعياه مرض الكحة ..
=============== ============
الرجل :سلامو عليكوا ( كح كح كح ) اهلا يا مولانا ابو التزاهيل ..
الشيخ : وعليكم السلام ورحمة الله يا با الحج ..
الرجل : أنا كنت قريت ( كح كح كح ) لمؤاخذة يا شيخ أصل عندي كحة .,
فتوى في
ورقة واحد ادهاني على باب جامع بتقول ان التدخين حرام !! الكلام ( كح
كح كح )
ده صحيح يا مولانا ؟
الشيخ : مين قال إن التدخين حرام .. يا أفاضل كلمة حرام دي كبيرة قوي ..
مينفعشي نقولها على كل حاجة .. أنا سبق ووضحت أن التدخين مكروه .. وفيه
اختلاف .. وبعدين حكم المارلبورو غير الميريت غير الكيلوباتر ا البوكس .. كل
واحدة ليها حكم
الرجل : والغريب ان الشيخ ده - كح كح كح - بيقول إنه بيضر بالصحة - كح
كح كح - .. ما احنا بنشرب بألنا عشرين سنة اهو ومحصلش - كح كح كح - حاجة ..
كح كح كح كح
المذيعة تقطع الخط .. لانزعاجها من صوت كحة الرجل ..
استراحة كسيرة ( قصيرة ) .. مع أغنية (بابا قل لماما .... بابا ابح)
وتقول له .. فديلة الشيخ .. لدينا فتوى مرسلة من شخص رفد ( رفض ) زكر ( ذكر )
اسمه الكامل ورمز له بـ : ح.م.ا.ر ويسأل عن حكم التين ( الدين ) في
فوائت( فوائد ) البنوك ..
الشيخ : يا جماعة سبق أن أجبت على هذا الموضوع في كتابي اللي حطم
الأسواق تحطيما وأدعوكم لشراء نسخة منه .. علشان العملية تمشي شوية
والسيولة تزيد ..
وعلى العموم سبق وأن وضحت القاعدة الفقهية التي أسسها شيخي سهل بن يسير ..
إنه : الــدولارا ت تـبـيح المحظورات ..
فلو فرضنا أن الفوائد حرام .. يبقى حلال برضه علشان الدولار ..
المذيعة : شكرا فديلة الشيخ .. أبو التساهيل ..
وإلى لكاء جديد مع كل مفيد ..
ترا لا .. لو لي .. ترلم ترلم .. ( موسيقى النهاية )
http://www.egycrazy.com/vb/images/smilies/380.gif http://www.egycrazy.com/vb/images/smilies/380.gif http://www.egycrazy.com/vb/images/smilies/380.gif http://www.egycrazy.com/vb/images/smilies/380.gif http://www.egycrazy.com/vb/images/smilies/380.gif http://www.egycrazy.com/vb/images/smilies/380.gif
