أبو تريكة مع أبا جهل!!

أبو جهل : عمت مساءا يا أبا تريكة

أبو تريكة : احنا لسه بالنهار يا أبو جهل

أبو جهل : معلش اصلها مضلمه عندى من زمان .. لقد رايتك البارحه وانت تصول وتجول . ( عاريا الا من فانلة وشورت ) وتتراكلون من أجل قطعة من الحجر فما اهيفكم !!

أبو تريكه : امال لو شفت المشجعين والمصايب اللى بيعملوها هتقول ايه ؟

أبو جهل : صحيح احنا كان بنا سفاهه .. يعنى عندك واحد مثلى كنت اصنع الهه من العجوى اعبدها ثم اكلها حين اجوع بس مش للدرجه دى

أبو تريكه : انت مشوفتش حاجه يا ابو جهل ناس بتشتم بعضها ورجاله بشنبات بتتعارك مع بعضها عشان الكورة اللى مش عجباك .. دا حتى لسه واحد مطلق مراته لما عرف انها بتشجع الزمالك

أبو جهل : هناك ما يدور فى شعاب قريش بانكم قد هاجمتم القافلة البيضاء بالسنج والمطاوى فأخذتم عيرها وضربتم اميرها وبطحتم راس بنت اميرها .. هو انتوا فكرين نفسكوا ابرهه؟!
أبو تريكه : اكيد اللى عمل كده قله مندسه . كل واحد فيهم هتلاقيه كان شاربله قدحين من الخمر وحابسله نفسين حشيش سيبك منهم دلوقتى .. قولى انت بس ايه اللى حصلوكوا ف بدر .. سمعت ان المسلمين ضربوكوا على قفاكم

أبو جهل : لا تذكرنى يا فتى .. لقد اظبطنا من المسلمين يومها

أبو تريكة : خلاص ملهاش حل غير ان انتوا تلعبوا مع الزملكوية ما تش واللي يغلب ياخد المركز التالت

أبو جهل : خلاص راحت علينا من زمان ، ... بقولك ايه ياتريكة ما تيجي تلعب في صفوف قريش وأعطيك سُرة من الدنانير وجارية متدلعه و11 ناقة ؟؟

ابو تريكة : ليه يا اخويا ؟! انت عاوز وانا بلعب معاكوا قدام الطائف أتـنـتـش سهم ولا حربة تضيع مستقبلي ؟؟ لا ياعم أنا مش مستبيع




ايه رأيكو بقا؟؟

هههههههههههههه
تسلم ايدك موضوع جامد

شكرا على المرور

ههههههههههههههههههههههههه هههه:)):)):)):)):)):)):)):)):)):)):)):)):)):)) :))=))=))=))=))=))=))=))=))=))=))


موضوع جامد طحن علي الاخر تسلم اديك تقبل مروري

ههههههههههههههههههههههههه هههههههههههه
=))=))=))=))=))=))

اقتباس:

---

أبو جهل : لا تذكرنى يا فتى .. لقد اظبطنا من المسلمين يومها

---

=))=))=))=))=))=)) يا راجل حرام عليك بقي ابو جهل بيقول اظبطنا ههههههههههههههههههههههههه هههههههههههههه

بس فعلا جامده تسلم ايدك

ههههههههههههههههههههههههه هههههههه:)):)):)):)):))باين انك اهلااااااااوى صميم :)):)):)):)):)) خاف على نفسك بقى من الزمالكاوية ليطلعلك منهم ابو لهب :)):)):)):))

والله
زمالكويه صميمه
ميرسى على مروركم الكريم

ههههههههه... حوار ظريف أوي

يللا بقى.. مع اني زملكاوية

وانا كمان زمالكوية بس عادى

ميرسى على المرورياقمر