وحشني
وحشني ونفسي أكلمك
وأرجع من تاني لدنيتك
ياما عشت فيها أحلي سنين
بياخدني ليها مليون حنين
مشتاق وحياة محبتك
*****
عايز أرجع بس خايف
أسباب فراقنا وإنت عارف
لسة باقية م أنت شايف
طب أعمل أيه
نفسي أطاوع ف هواك قلبي
نفسي اتهني معاك بحبي
الحب مش ذنبك ولا ذنبي
ولا هو شئ نندم عليه
*****
أوعاك تقول عني نسيت
ولا هان حبك وقسيت
ولا تفتكر إني خاين
والغرام عليا هاين
إسأل عنية ياما بكيت
*****
عايز أرجع بس خايف
أسباب فراقنا وإنت عارف
لسة باقية م أنت شايف
طب أعمل أيه
نفسي أطاوع ف هواك قلبي
نفسي اتهني معاك بحبي
الحب مش ذنبك ولا ذنبي
ولا هو شئ نندم عليه
*****
كلمات عصام قمر
