ماهى الحجه طرف تالت
طرف مبهم عيار فالت
وهنصدق
ماهى السلطه اللى يوم قالت
ماهى الحبسه
خلاص طالت
ولا انحطت ولا انشالت
ومصرنا خلاص مالت
مصر اللى يامه فى الوغى صالت
مصر اللى عمرها منهالت
مصر اللى يامه
على العدا بالت
بكره يقولوا عنها دى مصر زالت
لكنها مازالت
مهما تكون دماء اهلها سالت
مصر اللى يامه اتحملت وشالت
بكره توصل للقمر
ويقولوا طالت
الاف السنين للجميع عالت
ولااتكبرت ولا اتعالت
ولا غلت ولا غالت
ولاكات تزين نفسها ولا اتحالت
شايله هموم الكل
صامده ما مالت
مسيرها تانى تقوم
اصلها منا
جوه القلوب انشالت
الامانى رهن ايدها
عمرها يوم ما استحالت
