شادي
لو مات الامل فيا هيفضل الامل فيكي
يعيش ويرفرف زي حمام السلام
يفضل بيجري في عروقي
حتي لو مخفي وسط الناس
بينام جنب قلبي
زي ما عايش فيا شادي
زي ما حبيبتوا قبل ما أعرفوا
وانا بكتب فيه قصيدة
شوفتها في منامي
لما حلمت بيه معاكي يا اغلي احلامي
يمكن بخاف من الليل يجي ويرفرف
ودمر قلبي الي مات فيكي شهيد
يمكن يطاطي الهوي لظروف الوعيد
ويفضل حبي ليكي زي اليمام طاير
فوق السما في ليلة زي العيد
يمكن يبات الحب الي بات مسكين
الي بات مهضوم وسط الظروف والليل
واشوف فيكي الحب بعد قلبي ما مات
وانا بسمعوا جد شادي وهو ماسك الخنجر
وبيقتل شادي الي عاش فيا
ويدمر حنيني وخوفك علي الواد الي عاش
جوه قلبي شهيد
اصحي من منامي قلقان
والاقي شادي في القلب عايش ونايم وف عز نومو
اطبطب عليه وابوسوا
واغطي روحوا بجفوني واغمض قلبي وعيوني
واكمل حلم كام مليون
فضلوا بيسقفوا
فوق مسرحي الغلبان
والليلة ليلة عيد
وشادي من الدفا فرحان
واشتري لبس العيد
وام شادي فتحت كل البيبان
دخلت فرحتي قلبي
وانا شايف شمس القمر في الليل
دافية ومنورة والخطوه بالها طويل
حبيت اكمل
حلمي الي بات مقتول
لما انطعن شادي ومات في القلب شهيد
وسمعت أنينه لما كلمني في التلات
لما اتفزعت بعد أول واخر نكبة في حياتي
وهو بيعيط وخايف من اللقا المحتوم
خايف ياشادي انا حبي بات مسكين
لما انطعن قلبك في قلبي الي عاش ساكت
بيتفرج عليك وانت بتموت وانا العاجز
مش قادر احمي ابني الي مات فيا
شاطر يا شادي انت الي فينا شهيد
سامحني حبيبي
موفتش بالوعد
الي عاش جوه
سبت دمك يسيل وانا واقف بتفرج علي
جد شادي بالخنجر بيقتل حنينك بقسوتوا الجاحده
سامحتي يا حبيبي
انت الي فيا شهيد
من خربشاتي
9 - 12 - 2011
