قومى يا امه
البسى الحلو ف ثيابك
قومى بقه ما كفايه يا مه طول عذابك
قومى يا امه اتعكزى على ايد شبابك
قومى يا امه وانفضى عنك ترابك
نفضى صفحات كتابك
رجعى الهيبه لصحابك
ايه اللى صابك
اتغندرى واتعطرى
واملى قلبك بالامل
واوعاك تانى تفكرى
انت يادوبك تأمرى
ونحلف لك برب الكون
معدش يوم تتكدرى
ولاتحزنى وتتمررى
وبكره بابنك تفخرى
قومى يا امه
كفايه كنت بتصبرى
اوعاك يامه تكرهينى
ولاتكرهي فى يوم اخويه
سامحينا يا امه
واوعاك يوم تتغيرى
يا حبيبتى يا امه استبشرى
احضنى ولادك يا امى وكبرى
دايما كبيره يا امه
دايما شباب
ولاعمرك فى عيون ولادك تكبرى
افتحى يا حبه قلبى ابوابك
قومى يا امه
البسى الحلو ف ثيابك
قومى بقه ما كفايه يا مه طول عذابك
قومى يا امه اتعكزى على ايد شبابك
ايه اللى صابك
قومى يا امه وانفضى عنك ترابك
نفضى صفحات كتابك
رجعى الهيبه لصحابك
