يعنى أيه كلمة وطن

---

يعنى أيه كلمة وطن
يعنى وقفه ف المحن
يعنى تبكى
لما أرضك تتسرق
تتحرق من غير تمن
يعنى أيه كلمة وطن
يعنى أرضك يعنى عرضك
يعنى حلمك يعنى دمك
يعنى حلم أبوك وأمك
يبقى زكرى للزمن
يعنى أيه كلمة وطن
لما تلقى الأبن خان
باع تراب أرضه الجبان
قام بطيشه سب جيشه
أيه الى باقى م الوطن
لما شب ما لوهش لزمه
كل يوم طالع بأزمه
ف الميدان قاعد مربع
ف الخراب ماسك مضبع
ما همهوش فين الوطن
لما جيشنا ف العسل
نايم مطنش
ميت ألف عقده مربطه
واقف ما حلش
يبقى فين هوا الوطن
لما السياحه تبقى ساحه للدمار
واما الزراعه تبقى واحه للبوار
واما الصناعه تبقى مشروع انهيار
قلى أيه معنى الوطن
الوطن يعنى الفدا وقت الندا
يعنى أوهبله الحياه
بين السعاده والرضا
يعنى أصبر
لما جيشى يشد حيله
لما اهده
مين هيبنى الأرض غيره
هوا دا معنى الوطن
هوا دا معنى الوطن
لكى الله يا مصر

كلمات بديعه منتقاه
واظنها مستوحاه من قصيدة
يعنى ايه كلمة وطن للشاعر
مصطفى هاشم

يعنى أيه كلمة وطن
أوراق ما قبل الثورة للشاعر مصطفى هاشم




باعوا الزمن من غير تمن


مبقاش زمنا


واللي اشتري بظلمه افترى


ورخص تمنا


وبقينا سلعة تمنها ولعه


تحرق هممنا


ولو سألنا قالولنا مالنا ؟


مالك ومالي ومال عيالي


ومال جدودنا


مابقاش لينا فيه نصيب


والصمت عيب لكن دا حالنا


باعوا اللى فات والذكريات


وباعوا أملنا


باعوا الهرم ويا الكرم


وباعوا نخيلنا


باعوا تاريــــــــــخ


حفروه جدودنا


باعوا الشهامة والكرامة


وقتلوا هبيتنا


حتي الطرق حتي الكباري


ولا القطار مبقاش قيطارنا


باعوا حتى الميه ليهم


اتحكموا حتى ف مياهنا


باعوا الزمن باعوا الزمن


حتى الزمن مبقاش زمنا


مش باقي لينا غير العلم


راية ترفرف يا بلدنا


وأغاني تحكي عن الوطن


وصحافة تكتب للوطن


ونشيد بيشكر في الوطن


ومجلس ال شعب الوطن


وحزب بأسمك يا وطن



بيخدعونا ولا ايه


يعني ايه كلمة وطن


يعني تبيع الشعب كله
عشان يعيش


يعني اللي يتكلم بصدق


يلبس قضية بالحشيش


يعني اتكتم علشان أعيش


أو اكتب غنوة تمدح فى القيادة


وأقول زعيم وربنا وصانع ريادة


يعني اتكلم عشانك أو أموت


أو ابقى صخرة يقتلها السكوت



يعني ايه كلمة وطن


يعني انتحر علشان رغيف


يعني الغني يفضل غني


والفقير يموت ضعيف


يعني ايه يا عم ظالم بالعدالة


مش ناقصنا غير نيناديك بالجلالة



يعني ايه كلمة وطن


يعني نصحى الصبح نديك ركعتين


ونسبح بحمد اللي مش عارفينه فين


انت فاكر. انت مين


ولا اشرتنا مع الوطن


لو كنت تعرف يعني ايه كلمة وطن


الوطن يعنى الدفى


يعني الأمان


يعني رسالة لكل أب


متخافش وياك بالحنان


يعني الغلابة يعيشوا بينا مستورين


يعني اليتامة مايشعوروش بيتمهم


وباتوا ديماً دفيانين


الوطن يعني المحبة والوفاء


مش الرشاوي وينعدم . الإنتماء


مش ناس بتاكل بعضها


وكل يوم يزداد غلاء


يعني ايه كلمة وطن


نفسي حد يقولي فينوا


وايه الدليل انه وطنا


باعوا فينا العنفوان
***


يلعن ابوا اللى يشتري


حبة من رملة بلدنا


وملعون ابوا اللى يقول تعالوا


عايز أبيع شبر ف بلدنا


التاريخ شاهد عليكم


يالى بعتونا بولادنا


ياللي حكمتم فينا بينا


وبكرى هتبيعوا علمنا


بعتوا الزمن بس الزمن


هيرجعوه في يوم ولادنا



يعني أيه كلمة وطن


يالي مزقتوا وطنا


يعنى ايه كلمة وطن


وفي أي وطن يكون وطنا


الوطن مش لعبة ف ايدكم


وعار علينا نبيع وطن


ونقول هيرجع بيد ولدنا


يعني أيه كلمة وطن


يعني أموت ويعيش وطنا

يعني نموت ويعيش وطنا


باقه من الياسمين
لنبض غالى ثمين
وبالتوفيق

هو دا معنى الوطن
لما نصرخ من قلوبنا
لما سهم الشوق يصيبنا
نجتمع نمجى الآهات
نبنى مجد يدوم ويفضل للزمن


قصيده جميله
أول مره أقرأ لك
وأعتقد أنك شاعر مميز
بارك الله فيك

قصيدة جميلة جداااااااااااااااا
حقا انت رااااائع
سلمت لنا ولا تحرمنا من طلتك;;)
دومت بود

ألرائع هو كلامك
لا حرمنا الله من جمال تعليقاتك
أنت حبيبى وكل حياتى
حبك ساكن نبض أهاتى
عايش ليه
ساكن فيه
أنت الماضى وانت الأتى

أميرة قد أضاءت لى بحور من خيال
أثكبت لى من كلام لا يقارنه الجبال
أننى شاعر مبجل
ليس صدقا بل يقال
فلتكن كلمات شكرى
مثل حبات الرمال
شكرا على هذا الكلام الجميل من أميرة المنتدى

كتبت فأبدعت
سلمت وسلم بوحك الكريم
....ودي...

http://up.masrawycafe.net/ups/0004/m...44d1d280af.gif