إصحي ياغافل وارحمني يالله من خواطر عصام قمر
إصحي ياغافل
_________
إصحي ياغافل وتوب
قبل الأجل ما يحل
وكفاية بقي ذنوب
د الذنب آخرته ذل
قولي مين عاش قبلك ولا متش
عارف ربك ولا متعرفش
مش خايف من عذابه
فكرت تدق بابه
مش طمعان ف رحمته
منفسكشي ف جنته
لو ده مجاش ف بالك
أرجوك إبكي علي حالك
**********
من خواطر عصام قمر
إرحمني يارب
________
إرحمني يارب الوجود وإرعاني
كتر الهموم والحزن بكاني
وبير الدموع جوة العيون جف
ومع مين غيرك ألاقي أماني
إرحمني يالله.. إرحمني يالله
الشكوي لغيرك يارب مذلة
وانا جوايا ميت علة وعلة
ظلم البشر حواليا تعبني
وعشمي كله في وجه الله
إرحمني يالله.. إرحمني يالله
أقرب الناس ليا ظلموني
حسبت راحتي معاهم وهم اللي تعبوني
وبالغالي والكتير ياما اشتريتهم
وهما بالرخيص قوي قوي باعوني
إرحمني يالله.. إرحمني يالله
***********
من خواطر عصام قمر
