السلام عليكم و رحمة الله و بركـــاته
أهلا بيكـــم في آخر حلقـــة من البرنــامج
و بأشكر كل اللي استضفنــــاه .. و كان نفسي أنا و تريكة نستضيف الكافيه كله معانــا
بس عدد حلقاتنـــا محدود جدا .. يلا المفروض تريكة برضه كان يستضيفني
بس الحمد لله نفدت من التدبيســة دي
معـــانا النهاردة في حلقتنـــا ضــيف شــرف كبيـر أوي .. و من غيــره البرنامج دا مكنش اتعمل و لا استمر كدا
أعزائي متابعين البرنـــامج
آخر ضيف معانــا النهــاردة .. أخ و صديق و كمــان ابن .. علي خلق و ذوق جــدا
ضيفنــا النهــاردة .. عضو و مشرف و أدمن .. ضيف حلقتنــا النهاردة
هو الأدمن الحقيقي لمصراوي كافيه
" علي مدكــور "
ـــــــــــــــــــــــــ ـــــــــــــــــــــــــ
السلام عليكم يا علي .. منور البرنامج جدا النهــاردة
أخبارك ايه ؟! و ايه كان أخبار رمضان و الصياام معاك ؟!
وعليكم السلام ورحمة الله وبركاته الحمد لله بخير
والصيام كان حاجة جميل يا ريت الأيام كلها رمضان والله
كل سنــة و انت طيب و عيد سعيد
وانت بخير وسلامة
أولا كدا ايه رأيك في البرنامج بتاعنـــا ؟!!
( طبعا بعيد عن الديكور و الكلام دا كله .. انت شايف الاستوديو منور ازاي )
البرنامج بجد جميل وانا قولتلك رأيي من أول حلقة
وديكور زي الفل والله تسلم ايديك يا باش مهندس:x
جاهز معانـــا لأطول و آخر حلقة من برنامجنـــا
علي فكرة برضه الحلقة النهاردة 3 فقرات
ربنا يعينك يا علي
جاهز ان شاء الله .. اتوكل على الله
ـــــــــــــــــــــــــ ـــــــــــــــــــــــــ
الفقرة الأولي
" كافيه أب دايت "
ايه الجديد اللي في خطتك ان شاء الله للكافية ؟!
و هل في حاجة جديدة حنشوفها قريب كدا ؟!
دا بالنسبة
( للأقســام )
والله في اقسام معينه في دماغي من زمان ناوي اعملها بس انا قولت استني لما الكافيه يكبر شوية بحيث يكون في اقبال عليها وقريب جداً هتشوفوا الأقسام دي ..
( لأستايل الكـافيه )
انا كنت اتكلمت من مصمم متخصص لتصميم استايل مخصوص للكافيه وبردو هيكون موجود قريب ان شاء الله بس انا بستخدم اللون البني انا شايف انه مناسب شوية بردو ..
( لحركة الترشيحات )
طبعاً انا بعتبر ان الترشيح ده مجرد اختبار او فترة وخلاص يعني مش معني ان حد هيترشح انه خلاص بقي مشرف .. فمعظم اللى بيطلوا تشريح برشحهم لو شايف ان ممكن يكونوا اد كده ..لأن الإشراف تكليف مش تشريف
( للشات )
بالنسبة للشات انا واخد سيرفر يعني ممكن في اي يوم اعمل الشات عادي بدون مشاكل بس انا بصيت للموضوع من جهة الحلال والحرام طبعاً الواحد مش بيعمل كل حاجة صح بس بحاول بقدر الأمكان اني مشلش زنب حد او كده يعني الشات بلاويه اكتر من نفعته
فبفكر اني اعمله بس يكون عليه رقابة كويسه ويتفتح مثلاً في وقت يكون في موضوعات للنقاش وللمسابقات وهكذا
( و أي شئ آخر )
كان في شوية افكار كده في دماغي
راديو الكافيه: ده طبعاً باين من اسمه انه هيكون عباره عن راديوا مخصوص للكافيه ولأخبار الكافيه وهيكون في برامج صوتيه بس انا مجل الفكرة دي شوية بس هنفذها ان شاء الله
مركز مصراوي كافيه الأخباري : ده هيكون حاجة زي موقع الجزيره كده في اخبار العالم باللغة العربيه مع امكانية التعليق على الخبر وبحاول اعمل ده قريب.
مركز تحميل ملفات: بس بسعة كبيره وده قرييييب جداً ان شاء الله وهيكون حاجة محترمه اوي بجد .. ومش هيكون حصرياً لمصراوي كافيه يعني هيكون مركز كامل لرفع الملفات الكبيره
خدمة SMS للأعضاء : طبعاً باينه جداً من اسمها هتكون عبارة عن خدمة يقدمها الكافيه للأعضاء تمكنهم من إرسال رسائل قصيره SMS بس الفكرة تحت التفيذ هيكون ليها علاقة بعدد المشاركات والنشاط في المنتدى ..
في افكار تانية ان شاء الله احاول اعملها وبرحب بأي فكرة جديده
كنت في فترة من الفترات بتنفذ فكرة حلوة جدا
" دورة تصميم المواقع "
فيــن باقي الحلقات .. طبعا مع العلم ان كم الردود و المشاهدات رهيبة ؟!
الفكرة يا احمد ان أعداد الدورة صعب جداً لأن سورس الدورة انا يعني انا بعد الحلقة وبآخد اسكرين شوت غير اعداد الدورة كلها وانا بحب لما اعمل حاجة اعملها بضمير علشان مرجعش ليها تاني واكون عملت اللى عليا فبجد الدورة دي ناس كتير كلمتني عليها وقالتلي كمل فيها وبحاول اجمع كذا درس بحيث مقفش تاني في النص كده يعني هكمل الدورة قريب جداً ان شاء الله..
في تمام شهر نوفمبر .. حيكون عمر الكافيه سنـــة
انت شايف ايه الانجاز اللي حصل خلال السنة اللي مضت ؟!!
طبعاً في انجاز اولاً الكافيه حقق هدف جميل جداً هو اننا منتدى الأعضاء كلهم يعرفوا بعض ويعتبر اسرة مع بعضينا :D
اكيد خلال السنة دي في مواضيع اتنشرت جت بفائده
معدل التسجيل اليومي في الكافيه انا شايف انه بدء يعلي شوية
النشاط عموماً في الكافيه شايف ان الكافيه بقي أكتيف شوية عن ما بدأنا ...
و ايه اللي شايفه قدام لما الكافيه يبقي عمره سنتين .. اللي حيحصل السنة اللي جايه ؟!!
إن شاء الله الكافيه هيكون احسن من كده وهنحقق اهداف تانية طول ما الحب بينا وروح الأخوة ..
وكله هيكون في ميزان حسناتنا كلنا :)
ـــــــــــــــــــــــــ ـــــــــــــــــــــــــ
و ناخد بريك سريع و نرجع علطول
http://smiles.masrawycafe.com/smiles/mc%20%2882%29.gif
ماشي يا علي شكرا علي الاسميلي دي :-P
ـــــــــــــــــــــــــ ـــــــــــــــــــــــــ
الفقرة التانية " التعليــق "
في الفقرة دي .. حأعرضلك مقتطفات من الحلقات السابقة
و عايز ردك و تعليقك عليها بكل صراحة
جـــاهز .. يلا ربنـــا معــاك
ايه تجديداتك في الكــافيه ؟!! او الاستايل اللي في دماغك ؟!!
" اعمل مسابقات وبرامج واوسمة وحاجات من دى كتير عشان الاعضاء والمشرفين بيحبوا الحاجات دى اوىوالاستايل اللى فى دماغى ان يكون لون الكافيه اسود
في مقوله مشهوره اوي بتقول لولا اختلاف الاذواق لبارت السلع :)
اهم حاجة ان يكون الشكل العام كويس وبردو تآخد في اعتبارك ان مش معني ان انت بتحب لون معين ان الناس كلها بتحب اللون ده .. وبردو اهم حاجة الاستايل يكون خفيف علشان مش سرعة النت عندك زي غيرك في ناس غلابة بتدخل Dail Up لسه
آما بالنسبة للأوسمة ففكره جميله وتم طرحها من قبل / وهنعملها بداية من السنة التانية للكافيه
ــــــــــ
ايه الاقسام اللي عايز تضيفها ؟! و الاقسام اللي عايز تمسحها ؟!!
الافلام و المسرحيات ممكن استبدلها بوثئقيات
البيت الكبيرو دا هيكون(بدل من عيال حبيبه وكلام ف الحب)وهيكون قسمين
"من القلب"ودا خاص بالمشاكل و المواقف و تبادل الاراء بين الاعضاء حولها
"واحه التنفيس"ودا ركن خاص بالتنفيس عن الاعضاء
يحكوا واحنا نسمع لان ف اوقات كتير بنحتاج حد يسمعنا فقط
قسم الأفلام انا نفسي مش بدخله إلا نادراً :)
بس انا هعمل تصويت قريب لحذف القسم ده وهنشوف نتائج التصويت
وربنا يقدم اللى فيه الخير :D
ــــــــــ
ايه يكون آخر قرار تاخديه قبل ماترجعى مشرفة تاني ؟!!!
بعطى جوائز للقديمين يلي تركونا تكون القاب حلوة
انا بعتبر اللقب ده أقل تقدير للي مدي للكافيه و مفيش حد شغال في الكافيه مش بياخد لقب لو فيه يبقي غير مقصوده بجد
ــــــــــ
ايه تجديداتك في الكــافيه ؟!! او الاستايل اللي في دماغك ؟!!
كمان تقسيم جميلمثلا في قسم حوا ء نحط قسم مختص في المكياج وواحد للازياء وكدةمش كلو فوق بعضو
انا قولت في الأول ان في اقسام ناوي اضيفها بس بعد ما المنتدى يكبر شوية يعني القسم المطلوب ده مثلاً لو موجود وعدد الأعضاء مش كيتر انا شايف انه مش هيشتغل وهتكون عدد موضوعاته قليله وطبعاً في قسم عام لحواء ممكن الموضوعات اللي زي كده ...
ــــــــــ
ايه الاقسام اللي عايزة تضيفيها ؟! و الاقسام اللي عايزة تمسحيها ؟!!
قسم للاخبار العامة - قسم الطفل والاسرة والمجتمع - قسم للمسابقات والجوائز
قسم للرياضة والرشاقة- قسم للجامعات والمدارس -قسم اسرار البنات(مهم لمشاكل البنات قبل الزواج)
قسم الصحة ويكون فية طبيب متخصص بيرد على التسائؤلات
وأخيرا قسم يختص بلعلوم بكافة مجالته مثل مثل الفيزياء وعلم الكون والفضاء
معظم الأقسام اللي حضرتك طلبتيها ..
قسم الأخبار : ناوي اعمل المركز الأخباري هيغطي على القسم ده وهيكون حاجة :)
قسم الرياضة في قسم آدم وقسم حواء غير العام ممكن يكون فيه الموضوعات دي
قسم اسرار البنات : قسم صعب تنفيذه :)
بالنسبة للجامعات بردو مأجله شوية
ــــــــــ
ايه الاقسام اللي عايزة تضيفيها ؟! و الاقسام اللي عايزة تمسحيها ؟!!
انا نفسى اضيف قسمنساعد فيه ذوى الاحتياجات الخاصهواهلهم
الى بيتكسفو يعترفو ان عندهم طفل معاقوهامسكها بنفسى
لان الماجستير بتاعى ان شاء الله هايكون عنهم
فكرة جميله جداً بجد وممكن نتفق مع اي جمعيه تتولي الموضوع ده بجد هفكر فيها واحاول اعملها
ــــــــــ
و الاقسام اللي عايز تمسحها ؟!
اللهم زيد وبارك يا كبير بس علي العموم ممكن نشيل قسم (الزمالك)
زملكاووووووووي :-p انا احتمال اعمل قسمين كمان للزمالك واعمل قسم لفريق الطائرة والماء >:D<
ـــــــــــــــــــــــــ ـــــــــــــــــــــــــ
حلـــو لغاية كدا
بريك أخير و نرجع علطول
X-(
معلش يا علي .. اخر حلقة بقي :D
ـــــــــــــــــــــــــ ـــــــــــــــــــــــــ
الفقرة الثالثة و الأخيرة " نهاية أدمن ما تم "
قبل ما نختم الحلقة و البرنامج
الأعضاء اللي البرنامج استضافهم اقترحوا أسماء كمشرفين حأعرضها عليك
هما أعضاء تم ذكرهم أكتر من مرة .. يعني مرتين علي الأقل
قول رأيك ايه و هل فعلا لو رشحوا نفسهم .. تقبل ترشيحاتهم
ركــن مصراوي يتحدىالملل
شيكو و هوبا وزيد و لؤلؤة
ركن عيال حبيبة
Lolo و حبيبة و خاطر
مصراوي موبايل
الخواجه و مورا
الركــن العــام
يارا و منى
و بإكتساح بالصراحة و للأسف يعني
ركن العائلات
مريومة
هو معظم اللى طلبوا ترشيحهم طبعاً شغاليين في الأقسم دي..
بس الاشراف حاجة كبيره بجد انا شايفها كده
وزي ما قولت في الأول ان معظم اللى بيطلبوا الترشيح برشحهم وفي مش بيطلب برشحه عادي :)
في الاخر خالص .. تحب تختم برنامجنــا و تقول ايه لكل الاعضاء
كلمة أدمن كبيره بجد .. وكل واحد تم استضافته في برنامج ادمن ما تم لو جه مكاني فعلاً هيشوف ان الموضوع كبير حتى لو المنتدى لسه معمول لأن انت مسؤول عن الاعضاء كلهم وعن نظام انت ماشي بيه
وعـــــد تاخده علي نفسك دلوقتي .. و تطبقه بعد كدا
ان شاء الله الكافيه يبقي من اكبر المواقع العربيه بتعاونكم وحبكم لبعض >:D<
و في الاخر .. شكرا كتير يا علي، أخدنا كتير من وقتك .. بس أساسا البرنامج دا كله معمول علشان خاطر الحلقة
تشوف الاعضاء بيفكروا ازاي و نفسهم في ايه و أتمني إنك تاخد اقتراحتهم في عين الاعتبار
ان شاء الله اكيد اقتراحتهم في عيني :D
وشكراً ليك انت يا احمد على البرنامج اللذيذ ده :)
شكرا يا علي علي وقتك و استني رد الاعضاء بقي
... كل سنة وانت طيب ...
