يا ناس بقالى شهر بجرى بأنبوبه

يا ناس بقالى شهر
بجرى بأنبوبه
ايه اللى حصل فى الدنيا
الدنيا مقلوبه
م الدوخه مش قادر اكتب
وروحى مسحوبه
لكنى راح اقاوح
واكتب النوبه
راح نفضل لحد امته
احلامنا مسلوبه
ومصرنا الغلبانه
لامته منهوبه
يا ناس بقالى شهر
بجرى على انبوبه
من طول البلد لعرضها
بتحايل على الارض
عمال ابوس رجلها
محتاج لانبوبه
وواقع فى عرضها
يارب ا فرجها وفكها
كنت فاكر زى كل الناس
راح تيجى يوم تتفك
وكله ياخد حقه
وابواب الغلط تنسك
لكننا لسه ماشيين طريق العك
لامشكله بتنحل
ولاربط يوم ينفك
وزهقت م الدنيا
وف قلبى منها الشك
والصبر منى فرغ
بياع الصبر سك
الرك مش ع الدنيا
ع الضمير الرك
ارحموا مصرنا
دى لسه مكسوره
ماشيه يادوب بالزك
دى مصرنا المحبوبه
قالت خلاص توبه
يا ناس بقالى شهر
بجرى بأنبوبه




_________________
عطيه خضرى عطيه
قلين / كفر الشيخ

مشكوووووووووووووووووووووو ووووووووور لك
على الكلمات الجميله

الإبداع ليس بجديد ..
عليكـــــ سيدي الفاضل ..
فدوماً قصائدكــــ الرائعهـــ
تَصِفُ الأحوال والأطوار ..
تصف الكثير من مظاهر ..
هذهــــــــــــ الحياهـــــــــــ ..
ف غايهـــــ الروعهـــــ
سيدي أدام الله قلمكــــ
ورفع شأنكـــــــ ..
خالص شكري وتحياتي ... :)

نبض
حرفك وحديث
كلماتك
هو الرافد لاي
صفحه
كانه عيد الاعياد
يترك في المساحه
فرحه
فالياسمين تفتح بعطر بحروفك
تحيه
لك لروعه تواصلك ونقاء ودقه اسلوبك
وسحر قلمك وروعه
الفكره