انا اسفه ياجماعه والله
بس اكيد احنا بنشارك بعض فى الفرح
يبقى لازم نشارك بعض فى الحزن
والموضوع باختصار
هيا بنوته اسمها هاجر كانت عندى فى المدرسه العام الماضى فى الصف الاول الابتدائى
والسنه دى انتقلت للصف الثانى الابتدائى وعندى برده فى الفصل
بعد ما العيد خلص ورجعت الشغل
فجات بخبر وفاتها
معرفش اتوفت ازاى
بس كانت عيانه
طفله سبع سنين عندها السكر
افتكرت ضحكها وكلامها الكتير معايا
وافتكرت فرحتها لما كنت بعلملها كراستها
واكتبلها جزاكى الله خيرا ياهاجر
وكمان الكلمات الى كانت بتتكتبهالى فى ورقه صغيره كل حصه
وتحطها فى جيبى وانا خارجه من الفصل
كلمات طفله
انا بحبك اوى ياميس انجى
الله يرحمها ويسكنها فسيح جناته
ادعو لها بالرحمه والمغفره
وربنا يصبر اهلها
اسفه لو كنت دايقتكم
بس بجد انا مدايقه اوى:(:(
