25 يناير من تانى عاد
يوم
للشهاده خير زاد
مش احتفال
لكنه يوم للحداد
على دم الاعزه زهره الشهاد
اللى ربنا انعم عليهم
بنعمه استشهاد
ويوم نقرر فيه
خلاصنا م البعاد
يوم نتوحد كلنا
ويكفينا البعاد
يوم نحدد حقنا
ايد واحده نبقى كلنا
نحط النقط فوق الحروف
لجل يخلص همنا
جايين نقول للجميع احنا هنا
دى ارضنا
دى عرضنا
دى امنا
دى مصرنا
مصر لينا كلنا
ودا كل شىء يفضلنا
وكل شىء بيهمنا
عايزين نحدد حقنا
عايزين نبين حلمنا
معدش حد يخمنا
ناخد بتارنا م الفساد
من قوم عاد
بس الاهم من غير عناد
من غير مانحرق
من غير ما نسرق
نعمل ونعرق
بالطبع تفرق
دى بلدنا
ملكنا وملك الولاد
ودى امكم يا ولاد
لازم نحافظ على كل حجر
فى كل واد
لاحد يحرق
ولا حد يفسد
دى امكم زينه البلاد
اللى يخرب مش مننا
مش ابننا
ولا عمر دمه دمنا
ولا كان اخونا
ولا ابونا وعمنا
بالصريح مش ابننا
اللى يخرب
لازم نحوطه كلنا
من غير محاكمه نقتله
ونبهدله
ونسحله
لانه قاصد امنا
لانه فاصد امننا
قاصد يخرب حلمنا
قاصد يضيع حق
اللى ضاعوا مننا
دم اللى ضحوا
لجل يرجع حقنا
عايزين نحدد
مش نهدد
كل الخانات
لازم تتسدد
مش تانى ياكلوا حقنا
والكبير نايم ممدد
نحدد مطالب
لكل سائل وكل طالب
من غير وقايع او مقالب
شعبك اسد
فاضل مسالم
بس النهارده له مخالب
اللى يخرب فى البلد
دا يبقى سالب
واللى يعمر بالامل
دا يبقى غالب
شوف يا مجلس
واحد اتنين تلاته
قدامكوا شهر
كفايانا قهر
حطوالنا مدنى
مالكوا دعوه بالبلد
دى خيرها نهر
نخلص بقه
عايزين نعمر
عايزين نحسن
ويلعب تانى
بين ايدينا الزهر
