قالو ثورة قالو قوموا يا شعب نايم
قالو هدوا جبال وثوروا
قالو فوقوا من النيام قالو اصحوا
قالو ياما كتير وقالو انطقوا يا شعب اخرص
ياما قالو وياما عادوا والشباب جواه كتير
... قال نقوم بثورة عالية نقتل الظلم الكبير
نظهر السر الدفين نحمى اسم عاش سنين
قامو الشباب ويا كل طفل فيها والنساء
حتى الشيوخ والرجال كله قام
ثورة هى فى الاصل والله سلمية
بس مين تقول لمين للى نزل بلطجى على الميدان
والى ادى امر للجنود يقتلوا فى شعب قام
والى ياما قتل شباب وبالظلم نام
حولوا الثورجية ديا من شباب لبلطجية
هدوا حلم الشعب تانى وقالوا ارجعوا تانى نيام
كرهونا فى ثورة بلدنا طلعوا علينا سمعة
طالعونا ناس نيام حلمنا فى الاصل وهم
واننا بلطجية ناس مبتلية خرجونا من الميدان
نزلوا هما وخربوا ودمروا وبأعلى صوت اتكلموا بأسمنا
كرهوا فينا الغلابة الطيبين ومشيوا وراهم ناس ياعينى
ناس لا تعرف اى شئ ولا حتى فاهمة فين الطريق
بس سمعوا انهم هياخدو شقة ولا شغلة ولا حق من حقوقهم
قالوا يلا نجرى بسرعة نلحقوا قبل غيرنا
معذورين اصلهم ميعرفوش الحقيقة مين وفين
كذبونا احنا الشباب الى قمنا بثوره غالية على قلبنا
غيرنا فيها كتير كتير وحققنا فيها حلمنا وراح ثمنها دمنا
وصدقوهم البلطجية الى قتلو فيك وفيا ودمروا بلدنا ديا
والنهاردة قالو يلا بينا نقوم نحتفل بثورة غالية
نحتفل بأية يا شعب لسة نايم نحتفل بدم ابنى ويا ابنك
الى انهدر ولا حد شايل هم اهلو ولا ولادة ولا عيلة وراه بتجرى
نحتفل بطفل مات من غير ما يعرف ولا حتى فاهم
نحتفل بأب اتغدر وفوق كتافة عيال بتبكى
نحتفل باية قلولى نحتفل بثورة لسة محققتش حلمها
نحتفل بالى قتلوا اهلنا ولسة عايشة ومتحاكمتش
نحتفل بأية يا شعب ؟؟؟ بالبلطجية الى كذبونا
ونازلين الميدان من تانى يحاربونا
والمهم قالو ثورة وقالو قوموا يا شعب نايم
بقلمى
24/1/2012
