ايه يا بلد –ايه اللى صابك
ايه يا بلد –ايه اللى صابك
فين صحابك
فين الخير اللى كان دايما
بيتبع لك ركابك
رجعى هيبه صحابك
نفضى عنك ترابك
افضلى دايما عفيه
مهما يزيد فى يوم مصابك
الامن غابك
افتحى صفحات كتابك
اللى يجرى عشان خرابك
مستحيل يكون شبابك
دى ايادى غدر
كشرى لهم عن نيابك
افتحى من تانى بابك
منتش عجوزه يا بلد
لساك صبيه
غندوره وف عز شبابك
اللى ما يحافظ عليكى يبقى عابك
افرميه وادفيه
اعدميه
لاترحميه
خساره فيه ضربه كعابك
ليه يا غاليه الامن سابك
يا بلطجه
جيتى منين
ملعون اللى جابك
لازم لنا
يكون شرعنا
انته وانا
ايد واحد نعاهد ربنا
نقتل لنا
مليون بلطجى
لجل امنا
متقوم لنا
متزينه
وتعود لنا
روحنا وفرحه عمرنا
ونشوفوا دنيا ملونه
دا حكمنا
ايد واحده صادر مننا
اللى هيعمل بلطجى ميت
مش هيمر عليه الليل يبيت
علشان ميت
_________________
عطيه خضرى عطيه
قلين / كفر الشيخ
