هو:
" سـاكتة لـيه .. فهـميني ؟ لو مـش مسـامحة عرفــيني ...
لو مــش موافـقة تـكـملي ، ونفـسك الـليلة تـسيبيني ؟...
قـبل مـا تــاخدي قـرارك ، اديــني فرصـة ، اسمــعيني ... "
هي:
"قلـبى خـلاص إتـبرا مـنك
مـش هاكـمل لـو دقيقـة
عـمرى مـا هاقـدر اسـامـحك
حتـى لـو قُـلت الحقيقـة"
هو:
" بس لحـظة
لو عـرفتي .. قد ايـه شـوقي وحــنيني ..
لو عــرفتي .. الـلي كـان فـي البُـعد عنك ، والـندم الـلي كَـاويـني ..
مـعقول هتنـسي ، مـرة واحـدة !
اللي كان بينك وبــيني ..
بس لو ممكن للـحظة ، تسمحـيلي ، تفـتحيلي
باب مشــاعرك البـريئة .. "
هي:
"باب مشـاعرى البريـئة ؟ الرقـيقة ؟!
اللى يـاما عذبتنـي ، مـن غـيابك ، مـن بـعادك ، مـن عِنـادك
لـسة فاكر ان دى بـس الحــقيقة ؟!
الـلى يــاما قولـتهالى ، وعدتـهالى ، وفـي الأخـير خانـني خــداعك"
هو:
"كـل مـرة كـنت بابـعد ، بافـتكر أصل الحـكاية ..
مــش مـصدق ان ممـكن تنتـهي بيننـا الروايـة ..
وابـقى وحـدي فـي ليـل مــخاوفي ، وليل دمـوعي ، وليل سنـيني ..
ليـه مُـصـرة تبعديـني .. ؟!!"
هي:
"كَمل وقـول فـ أغـاني أكـتر !
لسـة أهـو بتـعرف تعبّـر
ليـه مُـصرة تـعذبينى وتـبعدينى وتـجرحينى تتتـتتتتزلزلينى !!
وامـا تبعد بابـقي وحـدي أفـتكر أصـل الــرواية
والحكاية ...... حــكاية !!
كانـت أكـبر من عـذابى ، ومـن هـمُومى ، والأنــين
من شـوقى ليـك ، وقـسوة قـلبك ، اللى جـاى بيقـول حـنين"
هو:
"ليه هتـرضي بالعـذاب؟!
وتـِفرقي ما بـين قلوبنا وسـط وهـم أو سـراب .. ؟!"
هي:
"متـقولش هرضـا بالـعذاب
ميـن فيـنا أصـلا اللى سـلم قلب حَبُه لـلضياع ، ولا حـبسه فى قلـب بـور
وسـابه يجرى ، من بيـن نيرانه ، ورا الـسراب ؟! "
هو:
"طب ثواني ، اهـدي أرجـوكي ، وحاولـي ، تـسمعي صـوت نـبض حـبي .. انـسِ كـل اللي وصـلّك م الـلي حـاولوا يِـشوهوا في عيـنيكي قـلبي ..
لـو نـسيتي ، اســألي ، اللي سـاكن بين ضـلوعك ، اللـي عايش بين ضفافـك اسـألي ربـك وربـي .. "
هي:
َ"تـعبت قــلبى يا "نـبض قـلبى"
خلاص بــقا ، أنا همـشى وابعـد عن عـيونك
همشـي واهـرب من كـلامك ، من غـرامك ، من جـنونك
مش قـادرة اسامـح ، مش قادرة انـسى ، سوء ظـنونك
ودعنـي
ودعني وانـسى أي ذكـرى كانـت مابيننا
أي لحـظة شوق خانـتنا ، وجـرحت بعده قلـوبنا
وان حـد سألـك عنا يوم ، قُـول الـظروف كانـت أقوى مـنا"
هو:
"يـعني مع كل اللي شـلته من آمـالي ، والـلي قلته ، والـلي عدته ..
لسه ناويـة تبيعـي قلبـي ، وتـدوسي على كلامـه وصـمته .. ؟
لو هتِـنوي تقهـريه ، لو فـ ايـدك تجـرحيه .. قـبل ما امشـي ، هاسـيبه عندك ..
قلـبي اصـله مش بـتاعي .. مـليش بقـوة يعـني فيه..
انتـي كـنتي فــ يوم حبيبتـه ، وامه وبنـته ..
مـش برضـو كنتوا ؟!! .. "
هي:
" انتا ماشى ؟! "
هو:
" لازم امـشي ، وزي ما كـانت بدايتي ف حضــن دنيا باعـيشها فـيكي ..
زي ما كانت حيــاتي باكتشـفها فــ لـون عينيكـي ..
زي ما كانـت حكايتي ، فــ كـل مـرة ، بيـن ايديـكي ..
هتـكون نهايـتي .. "
هي:
"بين ايديا تــكون نهايتـك ؟!
مـن ايـديا يـكون عذابـك ؟!
اوعـي تمـشى
امـسك ايديــا
بُـص فـ عنـيا
شايـف اني ، هاعـرف احيـا ، غير بـس لـــيك ؟
انت نبـضي ، انت نفـسي ، وطـول حياتي عايـشة بيك..
خدنـي في حضنـك ، وارمـي خـوفك جوا حضنـي
قلبي لــيك ، وعـمري كـله بين ايــديك ♥♥ "
هو:
“ قلتي ايه ؟ لأ بجد ؟ مش مصدق
قلتي اوعي .. ؟ ^__^
يعني لسه ، في مـكان ، جوة حــضنك ، يعني لسة ليّا فــرصة .. ؟
يعني ممــكن ، نبقي تانـي ، أحلي ذكرى ، وأحلي بُكرة ..
وارجــع اسـكن تاني ، قـلبك ، اللي كان دمي وكيانـي .. وروحك تـسامح وتنسي ؟
اوعـي انـتي مرة تانــية
تقـفلي بابــك فـ وشـي ، بـلاش -بهجرك- تــقتليني ..
ضميــني .. تانـي .. احضنيــني .. “
