لساكى نسيانى ولا انتى كرهانى
انا الواد الصعيدى الجدع
اللى عشق وحب وسافر وتاه
ورغم الصعاب والجراح
ورغم الألم والفراق مقالش آه
انا اللى هموم الدنيا فى صدره ملياه
وعايش على أمل يرجع
لحبيبته اللى رغم كل الحب نسياه
انا اللى علشانك هجرت بلدى واهلى
وعلشانك خاصمت بنات حواء
يا نجمة فى السما عالية
ويا مركبة فى البحر سايرة ومهيجاه
انا اللى فى بحورك رميت نفسى
موجة شايلاه وموجة حطاه
ومش هاممنى البحر ولا غدره
ومستنى شط النجاه فى يوم القاه
لساكى نسيانى ولا انتى كرهانى
اسالى قلبى اللى انتى هجراه
هيقولك وبلهفه ع اللى جواه
هيقولك انه من زمان عايش
على الذكرى والذكرى دنياه
وفى عز الشدة والحزن فاكرك
ما انتى سلاواه
وخاصم كتير علشان خاطرك
بس انتى كل اللى اتمناه
وفى كلامه وشعره ذاكرك
ما انتى بكل الوحى ملهماه
هيقولك انه قبلك كان ميت
وحبك هو اللى احياه
وبحبك بقى عليل
وانتى معاكى الدوا وبرضو منعاه
وبقربك كان بيحلم
وانتى بالهجر دايما كوياه
بس القسوة دى مش من طبعك
ولا الهجر دا مش من اصلك
وانتى كنتى ع الود والحنان معوداه
امتى تمنى عليا بنظرة
دى نظرة منك تشفينى وتمنع عنى الاه
انا اللى ولا قبلك ولا بعدك
ومفيش غيرك فى الدنيا عجباه
انا اللى جراحه بتنزف
وصابر وساكت وشايل جواه
وفى غربتى عايش وحيد
والوحيد فى الغربة ما اعظم بلواه
اقابل كل يوم ناس
ونفسى فى يوم الاقيكى
ادور على وحدة زيك وبرضو مش لاقى
وازاى عايزانى انسى حبى ليكى واشتياقى
وتقولى انسانى ...............
طاب ازاى انسى وانا كل حاجة فيا عشقاكى
وكل فرح فرحتيه عشتوا معاكى
وارجع واقول تانى
لساكى نسيانى ..ولا انتى كرهانى
لو كنتى نسيانى
انا عمرى ما نسيتك
وان كنتى كرهانى
فانا مش ندمان انى حبيتك
....القلب الجريح....
