ارحمونا يامسئولين الحياة صبحت مرار
كــل واحــد عنده شكوى من غلا الأسعار
البكا معادش ينفع نبكى عــلـى إيه ولا إيه
والجيوب ماعادتش تدفع الا اللى تقدر عليه
كان زمان الناس بتصرف والفلوس كان فيها بركة
ستى كــانــت لما تخرج تفرح إن بــاقـــى لها فكة
والعــروسة كــانــت بترضى تــدخــل البيت بالقليل
أمــا فى أيــامنا دهيه مــايـــرضيهاش طشت الغسيل
أيامنا دى صعبة علينا والمال قليل قوى فى ايدينا
مهما صرفنا وكلفنا غموسنا مش بيكفينا
تعمل ايه ست البيت لما يهل عليها ضيوف
لازم تعمل اكل كتير وده يأثر على المصروف
بطلب من كل الستات يعملوا مقاطعة للمحلات
يومها نلاقى الاسعار رخصت فى الهنا راح نصبح ونبات
