كنت عارفة انك هترجع تبكى وتقولى سماح
كنت عارفة ان قلبك مش هيستحمل جراح
جاى تبكى على اللى فات او تصحى الذكريات
او تـــرجـــع حب غالى ولا تندم ع اللى راح
يـامـا كنت بحاول انسى لكن انت قدرت تأسى
كنت شايفاك نجم عالى فوتتنى لحيرة وجراح
كــل حــب عــرفته قبلك اتنسى لحظة ماقابلك
حتى سهرى وانشغالى وعرفت طريق الافراح
لما كنت أسرح وافكر ان قلبك فى لحظة يغدر
ابقى خايفة م الليالى تيجى شيلالى الجراح
كنت شايفة الويل فى حبك كنت راضية عشان بحبك
كل حلم كان فى بالى انى القى الكون براح
كل دة اتغير فى ثانية لما شفت واحدة تانية
والسعادة اللى فى خيالى ضاعت خلاص والحب راح
مش راح أقبل إعتذارك سايباك إنت تاخد قرارك
ولما تحقق كل آمالى ساعتها هقبل السماح
