تجربتى مع دكتور مهاب الجامع استشارى العيون والليزك وحقن الجفون

السلام عليكم ورمة الله وبركاتةازيكم يا مصراوية حبه اكلمكم فى موضوع مهم جداااااااااااا هو موضوع عملية الليزك قبل ما اتكلم عن تجربتى احب اشكراعضاء منتدى فتكات اللى كانوا سبب بمعرفتى بدكتور مهاب الجامع طبعا فى الاول انا زى اى حد كان عايز يعمل العملية وبدور على مكان ودكتور كويس بسكان قبل كل دة كنت بدور الاول عن فيديوهات للعملية وتفاصيل عنها علشان اعرف هى بتتعمل ازاىطبعا بحثت كتيييييييييييييير قوى وفى الاخر قررت انى اعملها وجت الخطوة المهمة وهى اولا وثانيا وثالثأ الدكتورثم الجهاز المستخدم فى العملية ثم المكان لحد ما وصلت م خلال فتوكات لدكتور مهاب الجامع وكانوا بيشكروا فية قوىوسبحان الله انا كنت خلاص هتصل بمستشفى eye care وفى الاخر لقيت مكتوب فى المنتدى عن خصم 25% على عملية الليزك فى مستشفى المشفى للعيون و ان الاستشارى كان دكتور مهاب الجامع طبعا فرحت جدا ان ممكن اوصلة عن طريق مركز تانى غير المغربى لانى مش بثق فيها نهائى وفعلا رحت انا وجوزى ودخلنا وكان بيتكلم فى التليفون مع دكتور تانى عن ابو هشيمة جوز هيفاء وهبى نسيت اقولكم انى قريت عنة انه دكتور الوزراء والفنانين فتوقعت انه هيكون شخصية بقى اية ؟؟؟؟؟؟ولكن انا لما دخلت وبعد ما خلص مكالمتة سألى خير قلتلة انا عايزة اعمل فحص ليزك فحص عينى ولقها مناسبة للعملية بنسبة 99.9% وطبعا زيادة علشان نتأكد نعمل فحوصات الليزك وسألنا انتم جايين تبع دير اند ديل قلناله ايوة وعلى حظنا كان اخر يوم فى العرض هو يوم كشفى يعنى مدخلش فى خصم العملية ولكن دكتور مهاب قال مش مشكلة انا هعمل تاريخ الكشف قديم علشان لما تروحوا المركز محدش يغلس عليكوا فرحت جدااااااااااااااااااااااا ا مش علشان انه استثنانى لالالالالا خالص فرحت علشان قد ايه لقيتة متواضع وشخصية حبوبه جدا وكلاس قوى وباين علية اخلاقة العالية (زى ما بنقول احنا مع بعضينا اتصرف علية واتربى كويس مش زى دكترة التعليم المجانى) غير اسلوبة فى تبسيط العملية وشرحها ويفضل يسمع منك لو عندك اى استفسارات وبالة طويل جدا وكان بيحكى معانا كأنة يعرفنا من فترة وبسيط جدا وبصراحة انا لما ارتحت لية قلتلة انا عرفتك عن طريق منتدى فتكات وكانوا بيشكروا فى حضرتك جدا ضحك وقالى من باب الهزار (اه محنا مأجرنهم علشان يكتبوا الكلام دة ) قلتلة بجد الكلام اللى اتكتب عنك قليل جدا انسان عندة ضمير عالى مش عند الدكترة اللى ذقنهم لحد بطنهم وبيضحكوا بيها على الناس والله والله والله قمة فى الاخلاق والادب والاحترام والزوق وكمان من تواضعة انة بيخرج من غرفة الكشف بنفسة يجيب المريض اللى بعدة مش الدكترة اللى كرشهم زانق على المكتب وشغال بجرس الفسحة وكل شوية يدوس علية وتلاقى الممرضة او السكرتارية راحة جاية كل شوية طبعا اتكلمنا معاه فى مواضيع كتير غير العملية وكان صدرة رحب جدا فى الكلام معانا وقعد معانا تقريبا ساعه وكنا الكشف الرابع وتقريبا كل دور كان بياخد وقت طويل معاه فى الكشف زيناالمهم اننا اتفقنا على العملية ورحت له مركز الاكسيمير للعيون دة فى مدينة نصر فوق بنك cibوكربت سيتى اللى بعد دار الامداد والتمون المهم عملت فحوصات الليزك وكان اللى بيعملها دكتورة مساعدة لدكتور مهاب برضوا زوق جداااا وكان الفحوصات الحمد لل تمام ولحد ما جة دكتور مهاب برضوا دخل حالة حالة واتكلم معاه فى تقارير الفحوصات بتعتها واتكلم عن الاعراض اللى بعد العملية اللى هحس بيها وبعد كدة دخلت العملية طبعا معاه بنات مساعدين ولبست مرلية المجانيين وعقموا وشى ودخلت الغرفة طبعا البنج موضعى فى العين وقت العملية بتبقى شايفة كل حجة بس مش حاسة وطول ما هو بيعمل العملية بتكلم معاكى ومع اللى حولية ويحكى مواقف مضحكة ويخرجك من جو رهبة العملية وانا بصراحة كنت فطسانة على نفسى من الضحك وفعلا كان مخرجنى من شدة اعصابى اثناء العملية ولحد ما خلص وخرجت من غرفة العمليات لغرفة تانة علشان فحص عين مرة تانية بعد العملية طبعا مش شيفة غير شبورة والبنات ساعدونى لحد ما قلعت مريلة المجانيين خلعت البونية ولبست حجابى تانى وبعد كدة خرجت لجوزى ودخلت تانى لدكتور مهاب معمل فحص تانى قالى احمدى ربنا انك مكنتيش بتلبسى عدسات او ما طولتش فى لبسها (انا لبستها فى السنة اللى عملتها فيها 5 مرات فقط لا غير) انتى الغشاء اللى فوق القرنية داب من المحلول ودة بسبب العدسات بتدمر العين والقرنية طبعا دكتور مهاب مش من مشجعى لبس العدسات نهااااااااااااااااااااااا ئى حتى للناس اللى عينهم مخروطية اللى معظم الدكترة بينصحوهم بلبس العدسات الصلبة بصراحة عندة ضمير جدا وبيقول انها غير مفيدة خالص للعين وانا كنت قريت قبل كدة انها بتحجب الاكسجين عن القرنية ودة بيضر العين .المهم انى بعد ما خلصت العملية ومسيت كل الاعراض اللى قالى عليها حسيت بيها انا عملت العملية الساعة 3 يوم الثلاثاء 3/4/و 2012شيت من المركز تقريبا 4.30 وعلى ما روحت كان البنج بدا يخف تأثيرة كنت على الساعة 9 مش قادرة استحمل اى بصيص ضوء وعلى الصبح كنت عادى خف الاحساس دة شوية ورحت تانى المركزيوم الاربعاء علشان يشيل عدسة الحماية من العين بعد العملية وكان دكتور مهاب قالى يا ريت تيجى انا اللى اشلك العدسة واشوفك بنفسى ويفحص العين حسيت انة بيحب يطمن على حالتة بنفسة مش بيسبها لمساعدين وبدات احس بعد ما شال العدسة بالشكشة لحد يوم الجمعة وطبعا مش عايزة اقولكم اد اية كنت بدمع انا دمعت دموع سنة قدام طبعا فى 3 انواع قطرة كنت بحطهم فى عينى مع مضاد حيوى ومسكن ورحت ناى للدكتور يوم السبت علشان يفحص نظر وعين وكنت فى تانى يوم العملية فحص النظر 6/12 ويوم السبت كنت 6/9 والحمد لله جبت كل العلامات حتى النمنم منها دة وانا كانت عينى لسة بشوف بزغلاله يعنى اكنى بفتح عينى تحت المية وقالى ان النظر هيتحسن ببطئ شوية لحد ما النيج بتاع القرنية يكمل نموة تانى وهزر معايا وقالى احنا ما بنشوف المريض بعد العملية غير مرة واحد بس هعملك اوفروهشوفك تانى يوم السبت الجاى علشان اطمأن عليكى بصراحة حسيت انة اد اية مخلص فى عملة وعندة ضمير وخرجت سألت السكرتارية هل المرة الجاية لما اجى هيبقى كشف ولا متابعة دخلت سألت الدكتور ولقيناه خرج بنفسة لجوزى وقالى لا يا راجل انا بهزر معاك انت تيجى وتشرف فى اى وقت الحالة بتاعتنا لحد منسلمهالك مية مية احرجنا بذوقة اللى فوق الوصف بجد واضح انة اتلكف كتييييييييييييييير فى تربيتة اخيرا انا اسفة انى طولت فى كلامى بس حبي ادى الدكتور مهاب حقة مع ان اللى قلتة علية قليل القليل وكمان حبيت اللى بيفكر يعمل العملية دى يعملها عن اهل الثقة الدكتور لو مكنش مريح نفسيا مش هتقدر تسلم نفسك ليةسامحونى لو فى كلام داخل فى بعضة انا بكتب ولسة الرؤية عندى مزغللة وكنت لازم اكتب علشان حسيت انى مديونة لدكتور مهاب بأنى اعرفكم بية ويا ريت يكون وصلكم كل اللى عرفتة وشفتة وحسيتة مع دكتور ماب الجامع اخيرا شكر كبييييييييييييييييييييييي ييييييييييير لدكتور مهاب الجامع دكتور اقل ما يقال علية عم الدكاترة فى مجال العيون والليزك وحقن الجفون ربنا يكرمك ويوسع رزقك ويحفظك من شر النفوس واسفة لو مكنتش قدرت اوفيك حقك
وشكرا لكل اللى عرفونى على دكتور مهاب الجامع
اتمنى تكونواا استفدتوا من كلامى يا مصراوية