التحول الفكرى والحول الفكرى ... موضوع عايز الحرق
السلام عليكم
العنوان غريب شوية بس لما تفهموا الفكرة الرئيسية للموضوع مش هاتستغربوا
ايه الفرق بين التحول الفكرىhttp://www.shbabik.net/forums/images...atch_paint.gif والحول الفكرى http://www.shbabik.net/forums/images...tch_punnch.gif؟؟؟؟؟
نلبس النضارة بقىhttp://www.shbabik.net/forums/images/smilies/sh23.gif ونتعدل لكم علشان فيه كلام كبير اوى هايتقال
التحول الفكرى ببساطة هو تغيير مستحدث (جامدة مستحدث دى http://www.shbabik.net/forums/images/smilies/sh26.gif) سواء كان بشكل تدريجى أو تغيير طارئ وسواء كان التحول الفكرى تحول للأفضل أو للأسوأ
مما ينعكس بالتالى (يا جااااامدhttp://www.shbabik.net/forums/images/smilies/sh25.gif ) على تغير المفاهيم الثابتة للفرد وانعكاس هذا التغير على تصرفاته وفهمه للمصطلحات النمطية بصورة اخرى تؤثر فى طريقة تعاملها
(وعلشان نبقى حلوين ماحدش يقول لى اعيد اللى انا قلته ده تانى .... هى بتطلع كده زى اللحمة قطعية واحدة مابترجعش تانىhttp://www.shbabik.net/forums/images...patch_swit.gif)
طبعا مافهمتوش حاجة وده هو المطلوب وعلشان نتوهكم اكتر نضرب امثلة للموضوع من أكبر مثال لأصغر مثال :
زمان كانت كتلة أوربا الشرقية بتؤمن بالاشتراكية كنظام سياسى واقتصادى واجتماعى وبتطبقه على احدث وجه
وكل واحد فى المجتمعات دى كان مؤمن جدا بأن النظام ده هو النظام الوحيد اللى بيحقق العدالة الاجتماعية
"كلٌ يعطى على قدر طاقته ويأخذ بقدر حاجته"
ده فكر معين كان سائد فى المجتمعات دى وكانوا بيطبقوه لأقصى درجة
طيب ودلوقت ؟؟؟
روسيا نفسها اللى هى كانت معقل الفكر الاشتراكى تبصوا لها حاليا تلاقوها نظام رأسمالى تماااااما
ده نقدر نقول عليه تحول فكرى
لما يكون واحد مؤمن برسالة واسلوب عمل حزب سياسى معين وبعد كده يسيبه ويروح لحزب سياسى تانى او حتى يختار انه يقعد فى بيتهم ويستنى العدل
ده برضه تحول فكرى
ان واحد يكون بيفكر فى شغله ومستقبله يحققه بطريقة معينة وبعد كده يقرر تغيير الطريقة دى ( سواء كان ماشى كويس فى حياته وقرر انه يبقى حرامى .... او العكس )
ده كمان تحول فكرى
تحول للأحسن أو للأسوأ مش هى دى القضية
لكن مفهوم التحول الفكرى نفسه اظن انه واضح
(علشان محدش يبقى ليه حجة ويرفع ايده ويقول لى انا مش فاهم ... أصل انا عارفكم كويس http://www.shbabik.net/forums/images/smilies/sh24.gif)
نيجى بقى للحول الفكرى (وهو ده الجديد يا مرسى)
الحول الفكرى فيه فرق كبير بينه وبين التحول الفكرى
قول لى ليه ؟؟؟ أقولك ليه
التحول الفكرى ممكن نقرر اذا كان التحول ده فى الاتجاه الصح او الخطأ (والحكم ده طبعا بيختلف من وجهة نظر شخص لاخر ... يعنى مثلا اللى يقرر انه خلاص هايبقى حرامى علشان يكون مستقبله ... فيه ناس ترفض المبدأ ده وتقول انه غلط ... وفيه حرامية بتقبل المبدأ ده وتشجعه )
لكن الحول الفكرى (بعيد عنكم) عمره مايكون فى الاتجاه الصح ... دايما فى الاتجاه الغلط ( طبعا .... مش حول ؟؟؟)
ونتيجة للحول اللى بدأ يظهر عليكم وانتوا بتقروا الموضوع هانضرب أمثلة برضه للحول الفكرى
وبما انه حول يبقى من الطبيعى اننا نضرب امثلة صغيرة
على سبيل المثال تغير المفاهيم وخلط الاوراق فى تفكيرنا يعتبر من اكبر امثلة الحول الفكرى اللى احنا بنعانى منها
قول لى ليه ؟؟؟ اقولك ليه
زمان : كنت لما تقول على واحد انه محترم بتقصد بيه أنه فعلا محترم من ناحية أخلاقه وتصرفاته واسلوبه
دلوقت : لما تقول على واحد محترم دى بتدى اشارة تانية انه غنى او عنده فلوس والاحترام ده بتبقى مظاهره ممكن فى الهدوم او فى مفتاح العربية اللى موجود فى ميدالية المفاتيح بتاعته
زمان : لما كنت بتقول على واحد ابن ناس كنت بتقصد بيه ان أهله ناس طيبين وبتقول كده علشان فعلا بتلاقى نتيجة التربية الطيبة فى تعاملاتك مع الشخص ده
دلوقت : لما تقول على واحد ابن ناس بتبقى معناها حاجة من اتنين ( اما اهله وعيلته كبيرة ومن احدى مراكز القوة زى جدو الباشا وبابى الوزير واونكل اللواء , او انه بيتكلم من طرطوفة مناخيره مع خلق الله لدرجة توحى لهم انه كده فعلا )
زمان : لما كنت تقول على واحد طيب فعلا بتقصد الطيبة والسماحة فى التعامل مع الناس
دلوقت : نتيجة للحول الفكرى طلعت اغنية (الطيب فى الزمان ده يا عينى يقولوا عليه عبيط)
زمان : كان لما واحد او واحدة بيقول للتانى انا بحبك ... كانت الكلمة دى فعلا بتتقال نتيجة احساس صادق
واحد بيحب واحدة بجد وعايزها تكون زوجته اللى يكمل معاها حياته لحد ما يموت ( او لحد مايتجوز عليها .. مع ان الراجل من دول مش بيلحق يا عينى ... هايتقطع فى اكياس لمجرد التلميح للفكرة )
دلوقت : ههههههه الناس ماشيه بتحب على روحها فى الشارع
توتى يقابل فوفا فى حفلة ديسكو يتعرفوا على بعض واديها موبايلات
توتى رأيه فى فوفا انها بنت صاروخ ومالهاش حل وروشة طحن موت موت موووت http://www.shbabik.net/forums/images...atch_music.gif
فوفا شايفة ان توتى واد روش وفنكى وستايل يجنننن http://www.shbabik.net/forums/images.../patch_joi.gifخصوصا بالفرق اللى عامله فى نص شعره ده والنضارة الروشة اللى لابسها ( ولا نضارة البحر http://www.shbabik.net/forums/images.../patch_rir.gif )
توتى يتشجع ويقول لفوفا انا بحبك وفوفا بتقول لتوتى وماله نجرب
ويعيشوا مع بعض قصة حب وردية هم الاتنين http://www.shbabik.net/forums/images/smilies/sh57.gif( بالكتير تستمر اسبوع ... ده لو طولوا مع بعض )
وطبعا من مظاهر الحب ده ان توتى وفوفا رايحين جايين سوا مع بعض فى الديسكو من اول مابيصحوا من النوم الساعة خمسة بعد الظهر ولحد ما كل واحد فيهم يروح بيته الساعه اربعه الفجر ( معندناش بنات تتأخر عن الساعه اربعه الفجر ... البيت ده طاهر وهايفضل طول عمره طاهر )
غير شغل الموبايلات بقى http://www.shbabik.net/forums/images...patch_comm.gif ومفيش مانع من كام شارع ضلمة يمشوا فيهم خلال الاسبوع ده يعنى ... يعنى جات عليهم ولا هم مالهمش نفس ؟؟
وفى الاخر الحب الجميل ده ينتهى
بس مش بسبب مشاكل من أهل فوفا واعتراضهم على توتى لا سمح الله
( الواد مفيهوش حاجة تتعيب ... ولا علشان اسمه توتى يعنى ؟؟)
ولا كمان بسبب غيرة فوفا على توتا علشان شافته كذا مرة بيرقص فى الديسكوhttp://www.shbabik.net/forums/images/smilies/sh47.gif مع البت ريرى
Absolutely ( بتاعت اللمبى http://www.shbabik.net/forums/images.../patch_rir.gif ) .... الحب الجميل ده اتحكم عليه بالنهاية لأنهم هم الاتنين زهقوا من بعض وحبوا يغيروا بقى ... ومفيش مانع انهم بعد ما يغيروا يرجعوا تانى
اهه تجديدhttp://www.shbabik.net/forums/images/smilies/sh20.gif
انتوا عارفين بقى ان الحياة مملة (وايام العمر معضوضة يا احمد ... وهو العمر هايبقى فيه كام توتى يا سعاد) وكده يعنى
باختصار ده بقى شكل الحب الجديد نتيجة الحول الفكرى
صحيح مش كل الحالات كده بس انا نقيت اكتر مثال ظاهر لكن المفهوم العام بقى كده للحب
زادت درجة الخنفسة عند توتى .... قلت درجة الروشنة بالنسبة لفوفا ... مش مشكلة
دى حالات فردية
انا عارف انى طولت عليكم لكن بجد مظاهر الحول الفكرى بقت كتيرة اوى فى حياتنا واللى انا فضفضت بيه معاكم ده أقل القليل
الواحد معبى يا جدعان وشايل فى قلبه وساكت
ياريت اعرف رأيكم ايه بالنسبة للموضوع ده وتقولوا امثلة للحول الفكرى اللى بيواجهكم فى حياتكم اليومية
بالشفااااا http://www.shbabik.net/forums/images/smilies/sh30.gif
تحياتى
حودااااااااا
الجامد
