رسالة لمصر ورئيسها القادم

اهمدى يا مصر نامى كملى وصلة سكوتك
او اصرخى بأعلى صوت هزى العالم بصوتك
انطقى وارحمى ولادك عايزة اية يرضى ترابك
اتظلمتى يا مصر غالية وقومتى صورتى وريتى للعالم ولادك
اتفتحلك سكة تانية تهربى من ظلم جالك
اتخرستى وانتخبتى من قتل فيكى ولادك
... اوعى تانى تصرخى من الظلم تانى
او تقولى الحقونى يا ولادى
انتى ياما زمان يا مصر اخترتى ظلم واخترتى قهر
واحنا جينا ثورنا فيكى و هدينا الظلم ليكى
والنهاردة وانتى جاية تهدى حلم ولادك
وتضيعى دم شبابك وبأديكى مش بأيدى
اترسملى حلم ضايع واتفتحلى سكة سعادة
وابتسمت للدنيا تانى رغم موتن كل صحابى
بس قولت مش مهم الى راح المهم الى جاى
قولت يلا مش مهم المهم احرر بلادى
المهم امسك حرامى واسجن فلول وانتقم من كل ظالم
وانتى قولتى دول ولادى ماتوا عشانى وافتخرتى بينا تانى
والنهاردة حلمى تانى تانى ضاع ايوة ضاع قبل الاوان
والحرامى رجع مكانوا والفلول رجع زمانوا
وانتقامى راح وضاع ودم ولادك اتهدر من غير ثمن من غير وداع
بس لا والف لا ايوة لامستحيل تبقى النهاية
مستحيل ينهدر دم شبابك
كلمة قولتها بأعلى صوت فى الشوارع وفى الميدان
كلمة غالية ولسة غالية
قولتلك يا شهيد هجيب حقك اكيد ولو مجاش يبقى اموت زيك شهيد
ولسة عندى قوة وعزيمة ولسة عمرى لية بقية ولسة عندى الف صوت
وجاية اقولك يالى ناوى تمسك بلادى احترم نفسك ياريس
هات بأيدك حق ولادى واحترم الشعب تانى واتظلم انت عشانى
ما انت ريس ايوة ريس لسة جاى ايوة جاى تمسك بلادى
علشان توفر الراحة ليا ولولادى مش لنفسك مش لجهاك
لو كلامى متسمعش لو كلامى متفهمش انت عارف
انت عارف فين مكانى فى الميدان وبردوة عارف فين مكانك فى اللومان
ايوة يا ابنى فى اللومان كلمة منى هقولها ليك اقعد وفكر فى الحكاية
قبل ما تشوف النهاية وانت عارف ان صوتى هد قبلك ناس كتير
مستحيل تقول كفاية ولشباب المستحيل

بقلمى

26/5/2012