انــا امـــ الــشــهــيـــد
انا الى اتهنت وانا الى اتقتل ولدى
وانا الى اتهدر دمى
وانا الى انفطر دمعى
وانا ال...ى اتحرق قلبى على ولدى
وكان بالصبر بتصبر
ويوم الحكم بستنظر
اقول يمكن اجيب حقى واشوف واحد بيبكى الدم
على ولدة الى قتل ولدى
واشوفة ذليل بيتفرج على دمة
واشوفة يقولى سامحينى يا اميرتى
وبستحمل وبتصبر
وفى الاخر يقول الحكم دا براءة
يروح العدل
يهون الدم
يموت الحلم على ارضى
واشوف الفرحة فى عيونة
بعيالة الى بيخونوا
وهو قال اية مسجون
بيبكى وبالمرض مذلول
واه يا بلد مفضوحةو دا بالكوم
واه من يوم بيستناه كل الكون
وكل شاب يسيب شغلة يسيب علمة
علشان يستنى يشوف حلمة
بيتحقق يشوف العدل يتنفذ
يشوف محاكمة المخلوع
وفجأة بالخبر يتخض وفجأه نفسة كدة تتصد
يشوف ام الشهيد تبكى
يشوف ابنو راح يجرى
يشوف دمو يسيل على الارض
وهو من الخبر واقف ولا المسمار
يشوف زى الشريط يجرى قصاد عينو
يشوف ثورة بلاد قامت
يشوف دمع الشهيد سالت
يشوف الظلم قدامة بيتحقق
يشوف العدل بيموت ويتهزق
واه يا بلد خاينة
وانا الى رجعت بالدمع على خدى
وخيبة املى بترفرف على كتفى
وصورة ابنى ويايا وفى حضنى
بقولة سامحنى يا ولدى
راح ينهدر دمك وبلدك واقفة تتفرج
واصبر روحى من تانى
واقول لسة يا ولادى
هشوف الامل تانى فى عينكم
وهاتو حق اخوكم وبأديكم
بقلمى
2/6/2012
