يا عم ياللي ملكش لزمه
تملي تكسب من كل ازمة
منشار ودايما واكلها والعة
ولا أنت شافع ولا أنت نافع
رباط لجزمه
تكتب ماتكتب تنشر ماتنشر
الطبع غالب
اصل الحكاية استـك اساتـك
صياد مصايب
يا ريت بتسكت تهري وتنكت
والعقل غايب
نصاب ونصبك مكشوف ولعبك
مليان عجايب
صدق اللي قال العم يويو
أهبل وخايب
يا عم ياللي مالكش لازمه
متصون لسانك ان صنته صانك
وان طال نقصوا
ايه الحكاية يا مبرراتي
يا أبو عقل فلصوا
يا تور وهايج ولا البهايم
لألأ بحسوا
تكتب وتطلب واللي ما بدفع
ده يبقي نحسه
هبيش وهبشك فاق العجايب
وان طولت قلمك ناقص تمصه
يا عم ياللي مالكش لازمه
يا عم ياللي رفعت صوتك
مليان كلامك فبركه
انا جاي اقولك يالحقايق
احنا معاك فـ المعركة
اصل الحكاية مش علو صوت
ولا فزلكه
انا من الوطن وكلامي واضح
والقلم لم يوم بكى
ولا عمره كان زيك يا يويو
رافع رايات الاستـكه
تأليف
مش عارف بصراحه
لو حد يعرف يقول
