ياارض طاهره بشبابها . واسيت عشانها انا ترابها . اللى داق مر الشعوب
وترابك قال ده بسببها . انا شيلت سيادها وكلابها . والاخر اغرق بدم وطوب
وقال ع الطوب انا بيه راضى . لكن الدم ازاى يهون
وازاى كل الظلم ده عادى . ده عقل يابلدى ولا جنون
وترابك قال مش هايعاتبك .علشان اكيد حاسس بيكى
جيشك بيزاود من تعبك . وشبابك عاوز يرضيكى
ودم شبابك مش هايهون . ده ربك يابلدى معاه هايكون
هتقومى واقفه من تانى . ورافعه راسك فى وسط الكون
رغم انى تراب ولكنى بروح . وهروح مع شعبك فين مايروح
لو يبنوكى راح اكون مولود . وان هدوكى انا هبكى وانوح
وازاى تتهدى ياست الناس . ياامى وبلدى وتاج الراس
ده مجرد كلام وظنون وخلاص . مالهاش وجود ولا حتى اساس
وماتقلقيش شعبك واعى . حتى ان غلط من غير داعى
برضه اكيد قلبه عليكى . ومسيره يكون فى الخير ساعى
