شاطرين يا ناس بتتكلم
بتقول من غير ما تتعلم
في مناصبكم بتقولو قوانين
وعليها في بيتكم عارضين
نسبه بتكدب نسبه موافقين
ونسبه لنفوسها بتسلم
وناس غلابة عايشه في حالها
بتجري على رزق عيالها
بسيطة في كل أحوالها
وراضيه مهما تتألم
وناس تانيه كارها حياتها
غلطانة في كل أوقاتها
نفوسهم ضعيفة ودي صفتها
وفى وسط أهاليها بتتيتم
وناس تحت رجليها تبص
عقولهم لحاجة واحده تخص
واى حلم من جدره تقص
لحد ما عيونهم بتعتم
ماتفوقو بقى لروحكو شواية
دي آخرة حياتنا خلاص جايه
ويوم النهاية ما تجوز ثانيه
تقولو ياريت يوم يتقدم
أنا كل غرضي هداية الكون
مع أنى عارفه الكون مجنون
لو قولت يوم صلى وهتكون
ها يرد يقول هبقى أتيمم
