_ _ ( لهفه لحبيب ) _ _

يادموع خدى منك عطشان
والقلب من الجراح بردان
والروح وجعاها صرخاتك
وسكاتك اكيد سببه الحرمان


احلف ماتشيلك غير ايدى

انزلى واولدى فرحى وعيدى
منا كده كده وياكى وحيد
وانتى حبيبتى وانتى وليدى


هتقولى بترتاحى فى لمستى

هقول فى بعادك غربتى
ولما فى لحظة بتروى ملامحى
بعيديكى بلاقى ضحكتى


وانا مش غلطان لو بحميكى

وجوا عيونى بداريكى
وده سببه عشان سموكى ضعف
لكن انا عارف قوتى بيكى
وبخوفى عليكى بخبيكى
لايجرحوكى بأى حرف


ولو زعلانه سامحينى

ولو غضبانه على عينى
ولو محتاجه لحنينى
انزلى وانا راح ارويكى بيه


ده انتى الوحيده حسانى

بقلبى وروحى و كيانى
ماتنسى لو كان مين ينسانى
طفيلى نار قلبى اللى فيه