الحق اهو راجع لاصحابه _ والظالم جه وقت حسابه
وصاحب الكرسى اهو سابه _ وده سببه عزيمة شعبنا
واكيد ده يثبت مثل قديم _ بيقول اتقى شر الحليم
وعشان الخالق بينا عليم _ بيزرع الصبر فى دمنا
لكن الصبر فينا اهو نفد _ والقلب جوانا اتنفض
وصرخ بعلو حسه ورفض _ من كتر الظلم والطغيان
افتكروا ان احنا بقينا عبيد _ لكن نسيوا ان شبابنا عنيد
وادينا اتجمعنا ايد فى ايد _ وزرعنا من تانى الامان
انا مش هقول واعيد وازيد _ اسباب علشان اتجمعنا
لكن مع بعض وايد فى ايد _ هنخلى اكيد للكون معنى
مهما حصل محناش عبيد _ ده احنا لحضارتنا صنعنا
وهنصنع تانى وفى جديد _ ده عمر الكفاح مايشبعنا
ونجاحنا اكيد مالوش مواعيد _ ده عمر الاصرار مايضايعنا
دى قلوبنا دهب وادينا حديد _ واصرخ ياشعب وسمعنا
