_ _ ( اشبهلك بملامحى ) _ _
ياامى ياطيبه _ افرحى وماتحزنيش
اولادك الصبا _ وياكى وماتخافيش
حتى ان كان خالى ظالم _ او خالتى ماتساويش
انا ربى بيكى عالم _ وولادك ليكى جيش
حاميينك ليل نهار _ وليكى ومعاكى نعيش
ارفعى راسك ياامى _ وافتخرى وماتطاتيش
ده فداكى روحى ودمى _ وليكى حبى ماينتهيش
خليكى واثقه فينا _ مهما حصل او كان
ده ترابك غالى علينا _ واسمك فى كل مكان
بيساوى كل مالينا _ وحضنك معنى الامان
ده انتى فى نين عنينا _ ونرضيكى كمان وكمان
فى الطيبه اشبهلك بملامحى _ ياللى طيابتك مالهاش حدود
مهما حصل فيكى تسامحى _ لكن للغلط اكيد حدود
وان نفد الصبر من قلبك _ وغضبتى فى يوم وانا جنبك
هصرخ وهغضب على غضبك _ واثبت للكل انى بحبك
وان كنت ادفع روحى التمن _ انا روحى جنبك ماتساويش
من غيرك راح يقف الزمن _ ومن غيرك انا مش راح اعيش
وبرضه بقولها وفى العلن _ افرحى ياامى ماتحزنيش
