-- سندريلا 2008 --

سندريلا 2007

http://arbbom.com/vb/images/smilies/00%20(10).gif

مرات الاب : بت يا سندريلا اصحى يابت كاك خابط فى نفوخك

سندريلا : ايه يامرات ابويا خمسة وهقوم

مرات الاب : قومى يابت قامة قيامتك

سندريلا صحيت وهى مدايقة

مرات الاب : يالله قومى اكنسى وامسحى واغسلى على مانيجى

سندريلا : وانتو رايحين فين ومتزوقين كدة وكل واحدة فيكو عاملة نيولوك

مرات الاب : رايحين حفلة الامير اللى حيختار فيها واحدة عشان يتجوزها

سندريلا : خدونى معاكو انا عايزة اروح بليز

مرات الاب : تروحى فين ياموكوسة بلبسك المبهدل ده وبعدين انا عايزة ارجع الاقى البيت بيبرق

ومشيت مرات الاب وبناتها الثلاثة وقعدت سندريلا تعيط
وفجاءة طلعتلها الساحرة من الميكرويف

الساحرة : مالك ياسندريلا

سندريلا : كان نفسى اروح معاهم الحفلة بس لبسى مبهدل وموبايلى كارت ومعنديش سابو جديد

الساحرة : ولايهمك
وطلعت من جيبها الموبايل واتصلت باتيلية مدام لولو تبعتلها فستان وجزمة اخر موديل

فرحت سندريلا ولبست الفستان وحطت الايشادوو والجليتور ورشت البرفن

بس الساحرة قالتلها : قدامك للساعة 12 وترجعى
انا صعيدية ودمى حامى ومعنديش بنات تتاخر
ولو اتاخرتى هترجعى بلبسك القديم قدام الناس

سندريلا : حاضر حاضر اما ساحرة رجعية صحيح

خرجت سندريلا من البيت لقت الساحرة مجهزة البى ام

ركبت سندريلا وراحت على القصر

ولقت جمالها لفت نظر كل الموجودين

واول ماعين الامير وقعت عليها راح وطلب يرقص معاها ووفقت

نظرات .... همسات .... صمت
ترررن ... ترررن

سندريلا : ياخبر دى الساحرة بتدينى ميسد
الساعة 12

وقامت طلعت تجرى قوم ايه وهى بتجرى فردة الجزمة وقعت منها

خدها الامير المعجب ونده للوزير

الوزير : امرك يامولاى

الامير : خد الجزمة دى اسحبلى صورتها اسكانر

ونزل صورتها فى كل الجرايد وعلى الويب سايت بتاع قريتنا

واكتب الى صاحبة هذة الجزمة التوجه الى القصر الملكى

بنات كتير جدا راحو وياسبحان الله مجاش على مقاسهم .... قال يعنى سندريلا رجليها رجل معزة هههههههhttp://arbbom.com/vb/images/smilies/00%20(5).gif

الى ان شاهدت سندريلا اعلان الجزمة على ميلودى

وقامت بالتوجه الى القصر وتزوجت هى والامير

وعاشو فى تبات ونبات وخلفو توأم ملتصق وشوية بنات



http://content.sweetim.com/sim/cpie/...s/00020111.gif

=))=))=))

جميله يامصطفى
تسلم
بس موضوع مكرر

هيه هيه
تسلمى انجى
وياريت مشرف اقسم يقفل التوبك :(

جامده بس الحكايه ناقصه حته لما لف علي المدينه كلها علشان يعرف مين صاحبه الجزمه
بس الصراحه تسلم:)):)):)):)):)):))

هههههههههههههههههههه
صح كده
تسلم ياواد على مرورك الحميل >:D<

عجبتنى اوى كاك خابط فى نفوخك
مصطلح تحفة بصراحه
الموضوع يجنن يا مصطفى
تسلم ايدك يا جميل :)):)):)):))