قصة خروف

خروف قاعد حزين حيران
وفوق السطح بيمأمأ
ومستنى مصير محتوم
لما الصبح هيشأشأ
وبات محروم من البرسيم
وم الميه وبيفكر
يقول معقول هياكلونى
بحق الله انا مصدوم
هودع اهلى وجيرانى
ومين على بعدهم يقدر
ييجى الجزار ويدبحنى
حلال الله وبسم الله
دى قصة طويله معروفة
بدمى فديت نبى الله
ونجيته انا م الموت
وكان سيدنا ابراهيم
مثال للطاعة والاخلاص
لرب العرش والملكوت
ونفذ ابنه امر الله
بكل حماس
ومن يومها وانا راضى
عشان دبحى دة شىء مفروض
وعمرى ماقلت مش فاضى
بفرّح ناس كتير فى العيد
وبعد الدبح يعملوا بيا
رقاق واكيد ده طعمه جميل
وفته ولحمة مشوية
تشبع بطن اى اكول
بهنى المسلمين بالعيد
وليكم منى الف سلام
بلاش تاكلوا ف لحمى كتير
علشان الصحة تبقى تمام
واشوفكم بكرة بقى على خير
ماااااااااااااااااااااااا اااااااااااااء

رائعة و أكثر
كل عام أنتم بخير

تصدقي صعب عليا ههههههه

كل سنه وانتي طيبه يا جميل

بجد كلمات روعه

حقيقى احساس صعب

ربنا يصبرهم على ماكتب عليهم


كل سنة وانتى طيبة

ولا تحرمينا من كلامك الجميل مثلك

دتى بكل ود