حلقات أحمد وضحى بعد الجواز

وزي ما و عدتكم

حلقات عن أحمد وضحى بعد الجواز

الحلقة الأولى :

أول يوم بعد شهر العسل ما خلص وكان أحلى شهر عسل في الدنيا كلها

أحمد : صباح الخير ياضحى:x
ضحى: صباح الخير يااحمد ....يلا ياروحي بقا عشان تلحق شغلك بطل كسل شوية :-P
أحمد : حاضر ياحبيبتي انا قايم أهو ....وانتي هتنزلي شغلك الساعة كام ؟؟؟
ضحى: الساعة تسعة كده هنزل من هنا يلاااا قوووم بقا
أحمد : حاضر اديني قومت اهو
ضحى : طب الحمام جاهز وانا رايحة احضرلك الفطار
أحمد : ربنا يخليكي ليا ياحبيبتي >:D<....ياسلام ياولاد ده الواحد كان بيتمنى بس حد يصحيه دلوقت لقيت حد يصحيني لا وايه كمان ويفطرني ويحضرلي الحمام دنا في عز ياناس :D

وفطر أحمد وراح الشغل وضحى كمان ظبطت البيت بسرعة كده وجهزت الحاجة اللي هتعملها أكل النهاردة ونزلت راحت الشغل هي كمان وبعد ما خلصت شغلها رجعت بيتها بسرعة بسرعة عشان تلحق تعمل الأكل وتوضب حالها قبل ما أحمد ما يرجع وجهزت ضحى كل حاجة ورجع أحمد

ضحى: حمدالله على السلامة حبيبي وحشتنى جدا :x
أحمد : وانتي كمان وحشتيني والله عاملة ايه ؟
ضحى: الحمد لله تمام .....يلا عشان تاخد دش على ما احضر انا الأكل
أحمد : ماشي حبيبتي على فكرة السندويتشات اللي عملتهيالي النهاردة العيال اصحابي قاموا بيها المفتريين:( مسابوليش فتفوتة ومش مصدقين ان الهامبورجر ده معمول في البيت ولا البطاطس كمان عيال مفترية ...:(
ضحى : خلاص بقا ياحبيبي هتقر عليهم بالهنا والشفا بعد كده هبقا ازود شوية ما كمان كلكو بتقعدوا في الشغل تسع ساعات كتيير برضه ربنا يكون في عونكوا ....;;)
أحمد : ماشي حبيبتي يلا انا داخل اخد دش على ما تحضري الغدا
ضحى : ماشي ...

وجهزت ضحى الغداء وقعدوا اتغدوا وهما بيتغدوا رن موبايل أحمد وكانت والدته و

أحمد : أيوة ياماما ازيك عاملة ايه
والدة أحمد : الحمد لله ياحبيبي انت عامل ايه
أحمد : تمام الحمد لله
والدة أحمد : بقلك ايه ياحمادة انا عاوزاك تجيلي دلوقت ضروري
أحمد : خير ياماما
والدة أحمد : كنت محتاجة قرشين كده
أحمد : حاضر ياماما ساعة كده وأكون عندك

طبعا ضحى سامعة المكالمة " ساعة كده وأكون عندك ":( آآآآه ياني في سرها طبعا ابتدينا اهو هينزل وهيسبني وياعالم بقا هيرجع الساعة كام .....اهيء اهيء :((
أحمد : معلش حبيبتي اديكي سمعتي مضطر أنزل
ضحى: لا ولا يهمك ياحبيبي بس حاول مش تتأخر
- ونزل أحمد وفضلت ضحى قاعدة لوحدها تبص في الساعة وبتستنى الوقت يعدي بسرعة عشان أحمد ييجي وجت الساعة 11 وأحمد مجاش لسة اتصلت بيه على الموبايل و....
ضحى: أحمد إنت فين يابابا مجتش ليه لحد دلوقت
أحمد : معلش ياضحى أصل واحد صاحبي كلمني على الموبايل وقالي انه عايزني اصلحله الجهاز بتاعه عشان عطلان خالص وهو محتاجله ضروري متقلقيش انا شوية وجاي
ضحى: بكل غييييييييظ X-(X-(...ماشي يااحمد سلام

- وفضلت ضحى قاعدة متنرفزة ومستحلفلاهX-( لما ييجي بس استعاذت بالله من الشيطان الرجيم عشان تهدا شوية ومتنكدش عليه ولا على نفسها وميبقاش اسمها نكدية
وجه أحمد
ضحى حاولت ترسم على وشها ابتسامة صغيرة:) لكن للأسف ضحى من الصعب انها تمثل :(
أحمد : انا عارف ياحبيبتي انك زعلانة مني ومضايقة من غير ما تقولي حاجة وكان لازم اتصل بيكي بس بجد الرصيد خلص مني وانا اتكسفت انزل واطلع عند صاحبي صراحة قولت اخلص الجهاز وانزل بسرعة عشان الحق اروح واجيلك مش تزعلي مني بقا عشان خاطري ...
وقبل ما تنطق ضحى بكلمة سبقها أحمد وباس ايديها وقلها سامحيني ياحبيبتي :x:-*
بصت ضحى لأحمد وقالتله خلاص مسمحاك بس مش تعمل كده تاني :D
أحمد : خلاص ياحبيبتي مش هعمل كده تاني سامحيني بقا
ضحى: خلاص والله انا سامحتك من قلبي ............و سكتت شهرزاد عن الكلام المباح

وإلي اللقاء في حلقة جديدة إن شاء الله

جميله
متابعه معاكى ياقمر:)

يسلم ايديكى وبارك الله فيكى مستنيه الباقى

اقتباس:

---

المشاركة الأصلية كتبت بواسطة jewel_lowis

جميله
متابعه معاكى ياقمر:)

---

تسلمي انجي لمرورك مشكوووووووووورة كتييييييييير نورتي الحلقات ياقمر :D;;)

اقتباس:

---

المشاركة الأصلية كتبت بواسطة بنت الاسلام

يسلم ايديكى وبارك الله فيكى مستنيه الباقى

---

وبارك الله فيكي حبيبتي وهكمل قريب إن شاء الله مشكووووورة حبيبتي :x

مشكورة نمنمة ومتابعين معاكي ان شاء الله

الحلقة الثانية
ضحى وأحمد على مائدة الإفطار ;;)

ضحى: احمد بقلك ايه ما تيجي نروحوا لماما وبابا النهاردة احنا مش رحنالهم من يوم ما اتجوزنا :->
أحمد : وماله ياحبيبتي نروح هخلص شغل واجي اوديكي ان شاء الله ولو حابة تخلصي شغل وتروحي على هناك وانا اجي من الشغل عليكي ماشي مفيش مشاكل :)
ضحى: لا لا لا مش هروح لوحدي احسن الناس يفتكروني غضبانة ولا حاجة=))=))انت خلص شغلك وتعالى على طول نتغدى ونروح بس متتاخرش /:)
أحمد : والله ياحبيبتي هخلص ان شاء الله واجي على طول مش تقلقي :-*
ونزل احمد راح شغله وضحى كمان نزلت راحت شغلها ووو..
ضحى لنفسها : لازم ياأحمد برضه تتأخر مفيش فايدة X-(اما اكلمه على الموبايل اشوف ايه اللي حصل #:-S
أحمد : ايوة ياضحى معلش ياحبيبتي غصب عني لحد دلوقت مش خلصت شغل لسة انتي عارفة الشركة ونظامها :-S
ضحى: يعني هو الشغل بيخلص يااحمد ماهو مش هيخلص اصلا ما كل يوم فيه شغل طب خلاص انا هروح لوحدي سلام X-(X-(
أحمد : ضحى بالله عليكي مش تزعلي مني بقا غصب عني بجد وربنا وانا هخلص شغل واجيلك على طول .:-S
ضحى : خلاص يااحمد X-(
- أحمد في سره : هو انا كل يوم ازعلك كده ياضحى طب وبعدين 8-|...طب ما انتي لازم تقدريني شوية وتستحمليني برضه ما هو غصب عني يعني هو انا طالع عيني في الشغل كده عشان مين لا انا لازم لما اروح اتكلم معاكي شوية عشان تبطلي تزعلي كده لأني بيبقا غصب عني والله ...يارب ساعدني 8-|

ضحى في بيت والدها
والدتها : ايه يابنتي مالك مكشرة كده ليه فيه ايه :-/
ضحى: ياماما احمد لحد دلوقت في الشغل وكان المفروض هيجي معايا ومجاش انا مش عارفة الشغل ده اللي مبيخلصش ميييييييية مرة قولتلهX-( لما معاد الشغل بتاعك ينتهي تسيب اللي في ايدك و تمشي على طول لأن الشغل مش هيخلص فيه بكرة وبعده وبرضه كلهم شغل لكن مفيش فايدة X-(
والدتها : يعني هو بيعمل كل ده عشان مين وبيشتغل اضافي عشان مين مش عشانك بطلي بقا طريقتك دي واستحمليه شوية يعني هو حابب يقعد في الشغل مثلا اكيد لا كل واحد ما بيصدق معاد الشغل يخلص يعني اكيد أحمد قاعد غصب عنه بطلي ياضحى بقا /:)
ضحى: برضه بتدافعي عنه ماشي ياماما هسكت اهو اديني سكتت :-$
ودق جرس الباب وقامت ضحى جرررررررري عشان تفتح لانه كان احمد
مامتها في سرها : ااااااه منك انتي عمالة تشتكي واول لما جرس الباب رن طلعتي تجري زي الهبلة;) طب بتشتكي ليه بنات اخر زمن/:) ربنا يهديكي يابنتي وتعقلي شوية 8-|
وصالح أحمد ضحى وقالها مش تزعلي مني وشرحلها الظروف وقالها تقريبا نفس اللي قالتهولها والدتها وردت ضحى وقالتله :
بص يااحمد بصراحة كده انا مش بستحمل انك تفضل بعيد عني كتير كده ومش بقدر اقعد في بيتنا من غيرك اعمل ايه طب وبعدين انا قلتلك شوفلي شغل معاك في الشركة اللي بتشتغل فيها وانت برضه مش راضي عشان بتغير عليا طب اعمل اييييييه بقا منا مش بتحمل بجد بعدك عني :x:x
أحمد : والله ياحبيبتي ولا انا واوعي تفتكري اني قلبي كمان بيتحمل بعدك بس والله غصب عني بيبقا على عيني ياحبي بس ياضحى لازم تبطلي تزعلي كده انا مش عاوز حياتنا يكون كلها زعل كده حاولي تعذريني شوية ..;;)
ضحى: حاضر هحاول ...بس انت لازم تعرف اني بحبك اوي بقا [-(
أحمد ضحك اوي : مش عارف ياضحى كتييييير بحس انك زي الاطفال=)) الصغيرة وده اللي بيحببني فيكي اكتر واكتر:D ...وانا كمان ياروحي بحبك اوي اوي .....شوفتي عمايلك بقا خديتني في دوكة ونسيت اسلم على ماما وعمي عديني بسرعة احسن يزعلوا مني هما كمان تبقا كارثة بقا :D
ضحى : هههههههههههه=)) طب الحق ادخل سلم عليهم بسرعة :D

وقعدوا ضحى واحمد مع اهل ضحى شوية ونزلوا بقا عشان يلحقوا يرو حوا بيتهم عشان شغلهم الصبح وقال أحمد لضحى :
تعرفي بجد اهلك عوضوني عن كل لحظة حسيت فيها اني ماليش حد:( اهلك ناس طيبين أوي ياضحى وبيحبوني بجد... كفاية اوي انهم قبلوني وانا بظروفي دي بجد انتي متعرفيش انا بحبهم اد ايه :x
ضحى: وهما كمان بيحبوك بجد والله ....كفاية ان بنتهم بتموت فيك ;;)

وإلي اللقاء في الحلقة القادمة إن شاء الله

الحلقة الثالثة

ومرشهر كمان على جوازهم وهما عايشين في سعادة وحب وهنا وفي يوم ضحى كانت قاعدة على النت بتكلم صحباتها لحد ما احمد ما يجي من الشغل وفجاة لقيت ايميل غريب فتح عليها

؟؟؟؟؟؟: الووووووووو ضحى ازييييييك عاملة ايه :x
ضحى: مين معايا انت مين وجبت ايميلي منين وعرفت اسمي ازاي:-O ..؟؟؟
؟؟؟؟؟: ايه ياضحى قوام نسيتي ايميلي كده برضه وانا عمري ما نسيتك انا محمد ياضحى
ضحى جاتلها صدمة :-Oوتنحت في شاشة الكمبيوتر @-)ومش عارفة تقول ايه ولا تكتب ايه اصلا هي كانت مسحته من زمان وقفلت الصفحة دي في حياتها ايه اللي رجعه تاني بقا يكلمها:-O
؟؟؟؟؟: ضحى ساكتة ليه ردي عليا ياحبيبتي
ضحى: انت ازاي بتكلمني بعد كل ده عادي كده ولا كأنك عملت حاجة بقلك ايه امسح ايميلي ده من عندك نهائي وملكش دعوة بيا تانيX-( وإلا المرة الجاية مش هتلاقيني انا اللي برد عليك هتلاقي جوزي اللي بيرد عليك فاهمX-(
؟؟؟؟؟؟: ضحى انتي اتجوزتي=(( معقولة بالسرعة دي اتجوزتي :-Oوقدرتي تنسيني وتنسي حبنا الكبير ده انتي ياما كنتي بتقوليلي انك عمرك ما هتكوني لواحد غيري فين كلامك راح فين وانا كل فترة الغياب دي كنت بحل المشاكل اللي انا فيها وانتي رحتي اتجوزتي واحد غيري =((
ضحى : انا مش عارفة انت ليك عين تتكلم ازاي اصلا يعني بأنهي وش اساسا لو سمحت متتكلمش معايا تاني نهائي وامسح ايميلي من عندك X-(
؟؟؟؟: ضحى انا مقدرش امسح ايميلك من عندي ولا انساكي ابدا مهما حصل حتى لو انتي نسيتيني هفضل عايش ليكي وبس وعلى حبنا اللي مكملش=((:(
ضحى قفلت الايميل وعملتله ايجنور خالص عشان ميفتحش عليها تاني ولا تشوف كلامه اكتر من كده وشردت شوية مع نفسها 8-|
- انا ايه اللي عملته ده وايه اللي خلاني اتمادي معاه في الكلام كده انا كده خنت احمد ايوة خنته :((.........ازاي اسمح لنفسي اتكلم معاه اساسا حتى ولو اهزئه يعني دلوقت احمد لما يعرف هيعملي ايه ولا هيقولي ايه ياترى اقوله ولا لا:-S .......لازم اقوله طبعا عشان مبقاش خبيت عنه حاجة وضميري يعذبني طول الوقت وهو مأمنلي ومصدقني ....طب هو هيسامحني طب هيفهم اني بجد والله نسيته نهائي بس هو اللي بني ادم غلس مش بيراعي اي حاجة اعمل ايه يا ربي ....؟؟؟:((

وشوية وصوت أحمد قطع على ضحى شرودها .....

أحمد : ضحى ....ضحى ......انتي فين ؟؟؟!!!:-/
ضحى: ايوة يااحمد انا هنا عند الكمبيوتر
أحمد : ايه ياحبيبتي مجتيش تسلمي عليا ليه زي كل يوم
ضحى: معلش اصلي مخدتش بالي ان ا لباب اتفتح 8-|
أحمد : ماشي ولا يهمك بس انتي وحشاني خالص
ضحى: وانت كمان ياحبيبي وحشتني اوي عملت ايه في الشغل النهاردة
أحمد : ضحى مالك انتي مش طبيعية باين على وشك اوي فيه ايه ؟؟؟!!!
ضحى : انا:-S لا ابدا مفيش حاجة بس شوية ارهاق مش اكتر :(
أحمد : ارهااااااااق ااااااه:D طيب يعني معناها مفيش غدا النهاردة ولا ايييييه:-P
ضحى: لالالالالا والله ابدا في غدا اهو متقلقش هقوم احضره على ما تغير هدومك
أحمد : لا تعالي متحضريش الغدا وادخلي البسي
ضحى: ليه خير هنروح فين؟؟
أحمد : هفسحك شوية ايه موحشتكيش اسكندرية وهوا اسكندرية هو اينعم الجو ساقعة بس احنا مكانش يحلى لنا الفسح غير في الساقعة ولا نسيتي :x
ضحى حاسة جواها بذنب فظيع:( بس فكرت شوية ولقت ان ده انسب وقت ممكن تحكيله فيه اللي حصل وهما خارجين #:-S
وخرجوا سوا واتفسحوا وراحوا هنا وهناك لكن احمد ملاحظ على ضحى تغيير واضح اوي على وشها وطريقتها حاسس ان في حاجة هي مخبياها عنه وو....

نكمل الحلقة الجاية بقا :D

مستنية ارائكم ونقدكم :) ولو حابين اكمل ولا لا :D
بانتظاركم

اقتباس:

---

المشاركة الأصلية كتبت بواسطة طيف عابر

مشكورة نمنمة ومتابعين معاكي ان شاء الله

---

منوووووووورة طيف مشكوووووورة حبيبتي كتيييييييير على الرد وانا مستنية رأيك >:D<