اكتر الجمل الى الشعب المصرى بيكرهها.........

شعب المصرى ظهرت فى ياته جمل جديده كل المصريين بيكرهوها و بيكرهو انهم يسمعوها و منها
1
كلم الباشا عدل
غالبا بتلاقى كف بسطاويسى المخبر بتسلم سلام حار على قفاك بعدها على طول
و قبلها جمله
انت هاتستعبط ياله

2
امريكا و اسرائيل
لا تعليق عشان ميتعملش معايا اول جمله او المارينز يهجمو على البيت

3
عفوا لقد نفذ رصيدكم
اكتر و اشهر جمله بيسمعها المصريين عبر 3 شبكات
لدرجه ان واحد صحبى حلف لو ساف الوليه الى بتقوله عفوا لقد نفذ رصيدكم ليضربها

4
الكادر
كلمه مشتقه غالبا من التكدير
بيكدرو الموظفين عشان الى يزهق يمشى
الى روحه فى مناخره يمشى
الى مش عايز يمشى يمشى
و فى الاخر الشويه الى بيستنو
بيمشوهم

5
التقدم الاقتصادى
يقعد المواطن يسمع ان مصر هاتبقه نمر اقتصادى 2020
و هاتبهدل الدنيا
و يبص لمرتبه الى بيخلص يوم 5 منه
و يتحسر

تسلمي جدا مايا
موضوع يدل على شخصيه مثقفه
يبارك بقلبك وتقريبا الشعب العربي كله نفس الحال -- للاسف --
الف شكر منورة المنتدى بمشاركاتك المميزة

تسلمى يا مايا ضحكتينى والله دانا كان جالى اكتئاب من الحجات الى بقراها مالصبح
تسلمى يا قمر

لك شكرى وتقديرى

هههههههههههههههه
حلوة قوى كف بسطاويسى ده
موجوده فى كل مكان فعلا
ميرسى مايا على الضحك ده =))

بقلم
ساحروعطر كلمه
ورقه مساحه
كان
لقلمك التالق
وحرفك
فيه علامه
بسحر الكلمات ونقاء السطر
لك تقديرى
لك كل الشكر