أنا ماشى مانيش قاعد

أنا ماشى
مانيش قاعد ومهما تقول
هتتحايل
وتتخايل
وتتحنجل وتتمايل
وتعمللى عبيط بهلول
مانيش مصرى
لادا هرمى
ولانيلى
ولا اسمى أنا ابو الهول
مانيش عارف
أنا ابقه مين
طرف أول
طرف ثالث
ولا أنا فلول
هسيبها وأغور
عشان يحصل
وما يحصل
مانيش مسئول
مانيش راجع
لحد الحال متتعدِّل
ويحكمها اللى يحكمها
بكل اصول
راح اقعد ليه
مانيش لاقى اكل فيها
ولا لاقى لاولادى
ما يكفيها
ولاعارف ابات فيها
مانيش هقعد اموت فيها
ولا لاقى ولا لُقمه
ولاحتى اجيب الفُول
تقوللى اقعد
وهقعُد ليه
ماهيش بلدى
وضاع صبر
وضاع جَلَدِّى
مانيش عارف
أربى بنتى ولا ولدى
وانا فايق ومش مسطُول
أنا خِصمك
أمام الله يا ريسنا
ولاجنه هتوردها
هقول يارب
خلَّصنى
وخلَّص لى
من الظلم
اللى واردها
وأحسبن
ع اللى سارقها
وهيخلَّص مواردها
هنتحاسب
أمام الله
حقوق الناس وهتريدها
هناخد حقنا منك
ورب الكون يباركها
وهيزيدها
مظالمنا هنعرضها
ارادتنا هنفرضها
هتفضل مصرنا
امنه ولاحدش هيمرضها
هتتغطرس
وتتفرعن
تكون ظالم تكون أرعن
وراح تعمل
مابِدَّك فيه
ولو ميجوزش يوم شرعن

ورب الكون ولايهمل
لكن يمهل
هترجع له
وتتحاسب
ومهما العُمر هيطَوول
http://sphotos-a.ak.fbcdn.net/hphoto...61336248_n.jpg

سلمت يمينك ومحهودك الرائع انت حقا تحمل رساله من قلب كل مصرى موجوع على حال البلد وشكرا على هذا الإبداع وليت رسالتك تصل لمن يهمه الامر

سلمك الله من كل سوء