أكيد المحنه هتعدِّى برحمة ربك القيُوم

أنامهموم
أكيد أنته
كمان مهموم
أكيد ممكن
هتتعدِّل
ومش هتدوم
ومهما الازمه هتطوِّل
أكيد فرجُه
هييجى ف يوم
أكيد فقرك
هيتغير
مفيش سُلطه
ف يوم هتدُّوم
مسير الشمس
يوم تطلع
ومهما الدُنيا هتغيِّم
ولوتكتر سُحب وغيوم
أكيد المحنه هتعدِّى
برحمة ربك القيُوم
ومهما الوضع يتطَّلسم
يكون مخفى
ماهوش مفهوم
ومهما يغرقوا فيها
اكيد هتعوم
أكيد مصرك
ف يوم هتقوم
أكيد جاياك
راحة بالك
ف أكل ونوم
لكن مطلوب
ف يوم ترجع
تقول يارب تستغفر
تقول راضى وبالمقسوم
ماهو تصلَّح
ف يوم نفسك
هتتصلَّح
ولو حالك ف يوم معدوم
هتتعود تقول يارب
ولاعُمرك تكون مصدوم
تعود تايب ومستغفر
أكيد رزقك
يجيك محتوم
ساعتها ينصلح حالك
وحال بلدك
تدوق الشهد
من ربك رحيق مختوم

أكيد المحنه هتعدِّى
برحمة ربك القيُوم
ومهما الوضع يتطَّلسم
يكون مخفى
ماهوش مفهوم
الله على هذا التناغم و التداخل تعرف البيت دى بيترجم المثل الشعبى اللى بيقول داقت حتى استحمت حلقاتها فافرجها الله و فيها تفسير لقول الله تعالى ( اذفت الازفه ليس لها من دون الله كاشفه ) هى تناغم ربط ما يحدث بوجود اله قادر قيوم يجب ان نرجع اليه ليذهب عنا طلسم اشكل علينا حقا يا مستر عطيه انت استاذ بمعنى الكلمه اكرمك الله هذه تحياتى و تقديرى

الله يا مستر عطية كلمات جميلة وعذبة ربنا يتقبل