ناويه على ايه يا حكومه معا الشعب
بداية الكلام يا جماعه الخبر دا حصل من كام يوم كده من فتره برضه مش قليله اوى ومش كبيره
أعلن وزير الاستثمار عن برنامج جديد لتحسين إدارة الأصول العامة يتم بمقتضاه توزيع نسبة من أسهم شركات القطاع العام ـ ٨٦ شركة ـ على المواطنين البالغين ٢١ سنة أو أكثر وذلك بالمجان. وبذلك يتملك حوالى ٤١ مليون مواطن مصرى نسبة تدور حول ٣٠% من أسهم هذه الشركات وأن الدولة ستظل مالكة لأسهم تتراوح نسبتها بين الثلث والثلثين من هذه الشركات. كذلك أعلن الوزير «وقف برنامج الخصخصة رسمياً وذلك حتى يتم تحديد مصير القانون الخاص بإدارة أصول القطاع العام»
ورجع ظهر خبر تانى عشان الموضوع دا بيقول
أفتى خبراء قانون مصريون بعدم دستورية مشروع توزيع أسهم بعض الشركات المملوكة للدولة مجانا على بعض المواطنين؛ لكونه يتعارض مع مبادئ الشريعة الإسلامية ومواد الدستور التي تقضي بالمساواة بين جميع أفراد الشعب.
وفى الموضوع دا انا كان ليا الفضول انى اعرف رد دكتور له اختصاص فى الموضوع دا
سألنا دكتور/رضا ابراهيم صالح استاذ المحاسبه المساعد
رد علينا رد ظريف جدا بقصه فى الموضوع دا وانا هاقولها بلغه عاميه
قال ايه
قال كان فى واحد عاوز يشترى قرود(ماعلينا من التشبيه)
راح لبلد وعرض عليهم انهم يجيبوله قرود وهياخد منهم القرد بـ100 جنيه
وافقو على طول والناس كلها راحت وجابت له قرود كتير جدا واشتراها الراجل دا
قالهم تانى انا عاوز تانى قرود واللى هيجبلى قرود هاخدها منه بــ200 جنيه
وافقت الناس وكلهم والكل راح يدور على قرود لاغيت ماجابو قرود وادوله القرود والراجل اشتراها كلها
قالهم عاوز تانى بس المره دى هاخدها منكو بــ300 جنيه
الناس بقا بعد ما القرود قلت جدا وما عدتش متواجده راحهنا وهنا وجابو وسافرو بلاد مجاوره وجابو
والراجل برده اشترى القرود منهم بـ300 جنيه
الراجل جمع قفص كبير جدا قرود
قالهم اللى هيجيبلى قرود تانى هاخدها منه بـ500 جنيه
الناس لفت هنا وهنا مش لاقيه راحوله قالوله مش لاقيين
قالهم خلاص انا هاسيب المساعد بتاعى هنا وهاسافر بلد تانيه وهرجع كمان كام يوم اللى يلاقى قرود يديهم للمساعد بتاعى وياخد منه الفلوس
المساعد قالوهم الراجل مش هنا اهوه اديكو القرود بــ300 جنيه ولما يرجع الراجل ادوله القرود بـ500 جنيه وهتكسبو جامد
قالوله ماشى واخدو كل القرود وبعد كده المساعد سافر للراجل
وطبعا الراجل والمساعد ما رجعوش تانى للبلد دى
وكان دا تعليقه على الموضوع دا
ياترى انتو رايكو ايه فى الموضوع دا وهل هوا فى صالح البلد ولا الحكومه بتعمل كده ليهولا بنبيع البلد ولا ايه بالظبط
حرام بجد والله ما بيقيناش فاهمين حاجه من اللى بتحصل حوالينا
