حكاية من حكيات الموظف

كل يوم اصحى من النجمة يدوب اغسل وشى واكل لقمة على الماشى والبس واطلع جرى عشان الحق اروح الشغل ومتاخرش منا لو اتخرت حيخصمولى من المرتب وهو مش ناقص .المهم انزل من البيت عشان اركب الاتوبيس اقف على المحطة مستنى .يعدى واحد والتانى والتالت انا مش واقف منظرة لا انا مش عارف اركب بس اخر مذهق اشعبط واقول امرى للة هعمل اية اوصل الشغل فى معادى اصلى ببقى نازل بدرى عامل حسابى .ادخل على مكتبى اقابل زميلى استاذ حسين وعلى وووو ونفضل نتكلم فى احوال الدنيا دة يقول انا سمعت الريس بيقول حيذود المرتب ربنا يخلهلنا دة بردة ابونا واللى يقول ان مصر اتقدمت اقول اله دانا لسه واخد مطبين طازة على الصبح والاتوبيسات زى مهيه اسال امال التطور دة فى اى حتة مصر نبص لبعض عشان حد يجاوب محدش يرد وبعد ساعة ولا اتنين يكون المدير جة بعربيتة الجديدة اصل عقبال عندكم بيغير العربة كل سنة ربنا ()يزيدة يارب ومعا الوقت الناس تزيد والزحمة تبدا ودة يتخانق مع دة ودة يضرب دة يعملو اية بس اصل الجو حر قوى ويعدى اليوم وتنتهى سعات العمل الرسمية واروح على البيت على طول وتمر الايام ومعاد القبض يجى والهم يبدا دة عايز مصريف المدرسة ودى عايزة تاخد درس وام العيال عايزة مصروف البيت .وبعد دة كلة الاقى المرتب خلص ههههههههه اصلى بقبض 500 جنية كتير صح اقول الحمد لله دى فى اللى بيقبض اقل منى بكتير
اوعى اكون تقلت عليكم دى حاجة بسيطة كدة من حياتى انا الموظف هههههههههه يارب تكونو فهمتونى