العنوان غريب
شكله مش مفهوم
مش متعودين على الكلام المبهم منك يا حودا
أه فعلا معاكم حق
بس أنا كلامى بردو واضح
العنوان دا كلام بيقوله كل حد فينا فى وقت معين
بيقول للأسف أنا عندى قلب واحد
قدامى كام بنت
فى معجبات
فى بنات لذيذه كتير
مش قادر أحب دى ودى ودى ودى ودى
مش قادر أحب غير واحده بسسس
ودا مخلينى حزين
معقول ؟
معقول بعد ماكنت أنا اللى عامل لكل بنات الدنيا قلق
والكل معجب بيا وبيتمنى رضايا
هرتبط بواحده بس؟
للأسف أنا عندى قلب واحد
ياريتنى كان عندى عشرين قلب علشان أحب عشرين بنت كدا وأبقى واد كووووووول
وعشرين حضن علشان لكل واحده حضن خاص بيها
وعشرين عين علشان أشوف كل واحده بعين
وعشرين فم 40 شفاه علشان كل واحده أكلمها أو أبوس إيديها على خصوصيه وإستقلال
ياريت عندى 40 رجل علشان أروح لكل واحده مشوار غير التانيه والتالته
للأسف عندى حاجات محدده
وللأسف الشديد المحزن أنا عندى قلب واحد
لو عندك عشرين حضن يعنى 40 إيد
يعنى زى أم أربعه وأربعين تبقى زيك
يعنى بقيت حيوان
وكمان لو ليك عشرين فم هتبقى رغاى وزى الأهبل
ولو ليك عشرين قلب هتبقى منافق وتعبان
وهتشيل فوق طاقتك الجسديه والعقليه
المخلوق الوحيد اللى ليه عقل واحد وقلب واحد وإيدين إتنين ورجلين إتنين
وربنا كرمه بكل نعمه
هو الإنسان
خليك إنسان وإعرف إن ليك حدود
و
اللى معاك حبها
إرضى بيها طالما ماغلطتش يبقى مازنبهاش حاجه اللى حبته نفسه يبقى حيوان متنقل
اللى معاك فرحها بيك وشرفها انها اختارتك من وسط الكل حد عارف كان ممكن يكون حالك ايه لو هى مش معاك ؟
ولو مش معاك حد
أول لما تقابل حد سلم وخليك معاه وخلاص
ماتبصش لحاجه غيرك أخدها وتقول ياريتنى يمكن دى شر
تأكد إن الخير ربنا جايبه لحد عندك وطالما هى بعيد يبقى مش خير إنك تقربها بالعافيه
ماتغلطش غلط حد عمله قبلك وندم عليه
وتايه وضايع من نفسه
لو كلامى مش مفهوم لسه أو خنيق وغريب وغبى
إعتبر نفسك مادخلتش التوبك وأسف للدقيقتين اللى ضاعوا من وقتك
بس كلام حبيت أقوله
